Home Policial Scarcedad di mas of menos 200 polis!

Scarcedad di mas of menos 200 polis!

2
0
SHARE
- Advertisement -

PolicialMientras poblacion a crece hopi cantidad di polis a bay atras!

ORANJESTAD (AAN) – Un ciudadano bon na haltura di e situacion cu tin den Cuerpo Policial, a comenta pa nos redaccion cu pa por garantiza un mehor calidad di seguridad pa nos pueblo, mester expande Cuerpo Policial cu no menos cu 200 polis.
E ultimo añanan nos poblacion a crece hopi, mientras cu e cantidad di polis pa cubri henter nos comunidad a bay atras! Ta masha dificil cu e cantidad di polisnan cu tin, pa nan garantiza e seguridad na henter nos ciudadania.
Esaki, segun e lector, ta un aspecto primordial tambe pa Gobierno nobo tene na cuenta, ya cu ademas cu e cantidad di polisnan cu tin ta hopi poco pa un populacion relativamente grandi den un isla chikito manera Aruba, tin e grupo di polisnan cu cada aña ta baha cu pension, cu ta baha ainda mas e capacidad di KPA pa proteha nos hendenan.
E ciudadano a agrega tambe cu ainda tin hopi polis di esnan cu a baha cu vut of cu pension caba, cu por sigui yuda KPA cu nan experiencia y conocimento, y e ta haya yammer pa wak nan haciendo otro tipo di trabao, algun di nan den e ramo mes di seguridad, mientras cu ainda nan ta bon na tino y balente, pa duna Cuerpo Policial un man.

- Advertisement -

DUNA COMENTARIO

Please enter your comment!
Please enter your name here