Home Politica Segun parlamentario di AVP, Mike de Meza…

Segun parlamentario di AVP, Mike de Meza…

2
0
SHARE
- Advertisement -

emanvalero1Sr Nelson Oduber su incapacidad di sinta na mesa tin e refineria unda e ta awe….
ORANJESTAD(AAN)—Den conferencia di prensa di AVP dialuna ultimo na San Nicolas, partido AVP a habri carta ariba mesa tocante di e situacion delicado y dificil di Valero na Aruba.
Awor aki cu e refineria ta mustrando tur indicacion di lo ta den rumbo directo pa cera su portanan definitivamente, ta bon pa recorda, segun Parlamentario de Meza, cu “nos a alerta e gobierno aki, nos a alerta e colega parlamentarionan di partido MEP den parlamento di e situacion dificil cu tin ta reinando den e refinieria y nos a splica nan tambe kico e efectonan di un BBO ta pa un compania cu tin di depende riba exportacion,” Mike de Meza a enfatisa, indicando e actitud incomprendibel y intransigente di partido MEP dilanti di un situacion asina serio y delicado.

Sr. De Meza a sigui mustrando cu “awe mainta por cierto por a scucha Sr. Nel Oduber ainda ta purba di acusa tur otro hende p’e ciere di e refinería”. Según Mike de Meza, Nel Oduber “no ta compronde cu ta su maneho deficiente, su incapacidad di sinta na mesa, tin e refineria awe caminda e ta”.

Ariba e pregunta di un miembro di prensa, cu a puntra si ta crisis di economía petrolero ta causante di e situación cu Valero ta aden na e momentonan aki, Sr. De Meza tabata enfatico: “Si a yega na un acuerdo dos a tres aña pasa, awe e refinería lo tabata den un posición cu por a competi den región y mundialmente dor di ta un refinería cu ta mas completo, cu por a traha productonan cu tabata mas viabel”.

E acuerdonan aki cu Sr. De Meza ta referi na dje tin di haci cu un oferta cu Valero a hasi por escrito na 2007 caminda cu nan lo a compromete nan mes di lo paga un minimo di 50.000.000 florin anualmente na impuesto.

E oferta tabata cu nunca nan lo paga menos di 50.000.000 florin, cu nan haci ganashi of no.
E oferta aki a wordo kita for di mesa pa partido MEP, pasobra nan a pensa ariba placa y no ariba pueblo y tampoco ariba e realidad económico-petrolero. Nan a introduci BBO, contra conseho di prácticamente tur instituto y cuerponan di conseho na Aruba. Te hasta Banco Central a desconseha introducción di BBO.

Awe pueblo di Aruba henter ta hinca den un situación económico delicado y difícil pa via di e BBO. Companianan multinacional manera Valero, no por carga e tipo di impuestonan aki cu ta basa ariba nan ganashi di e compania. Ta pesey mes e tipo di impuestonan aki no ta conoci na ningún parti di mundo.

Sr. de Meza a splica na placa chikito con henter e sistema financiero-economico-petrolero ta hinca den otro.El a splica cu mayoria di e productonan cu Valero ta produci no ta productonan final. Esaki kiermen cu ainda, después di Valero Aruba, e producto tin di wordo procesa na refinerianan specialisa.

Kiermen cu difícilmente companianan di e tipo aki por “afford” pa wordo cobra un BBO ariba un producto cu ainda tin di wordo procesa.E BBO ta hisa e prijs demasiado, pa e por sigui den e “pipeline” di procesamento ariba mercado mundial.Esaki ta loke MEP a logra cu BBO, restringi un compania multi-nacional di competi ariba e mercado internacional.

- Advertisement -

DUNA COMENTARIO

Please enter your comment!
Please enter your name here