Polis evaluando si ta persigui MEP penalmente pa actividad di Diadomingo

Segun Halto Comisario Peter de Witte…
ORANJESTAD (AAN): Dialuna DIARIO a entrevista Alto Comisario Peter de Witte con a bay cu e paradanan politico Diadomingo, mirando cu tabata tin dos parada cu permiso, mientras cu lo tabata tin un otro parada cu lo kier a tuma lugar tambe y riba radio por a scucha hendenan di MEP ta reclama.De Witte a splica cu tabata tin varios actividad Diadomingo, incluyendo e dos paradanan di PDR y MPA pa cual a duna permiso.
El a splica cu e dos paradanan aki a cuminza bunita na ora y a caba tambe hopi bon na ora.
Cuerpo Policial a haya compliment tambe riba con nan a dirigi e paradanan aki.

De Witte a bisa tambe cu tabata tin tambe un bike tour Diadomingo, un actividad grandi na Noord y un actividad na San Nicolas y tur a bay bon.

DIARIO a puntra e Comisario si no tabata tin cualkier problema, mirando cu riba radio por a scucha propietario di e radio na Santa Cruz ta bisa cu peter de Witte y Dolfi Richardson mester worde kita for di trabao.

Segun de Witte, loke si ta e caso ta cu Diadomingo tabata tin un actividad pa cual lo por pensa cu lo mester puntra pa un permiso.

Ta trata di un actividad di partido MEP, unda cu na un manera organiza e intencion tabata pa bay cu auto na diferente localidad.No a duna permiso pa esaki.MEP a haci un yamada na su miembronan pa esaki y a parti flyer pa esaki.

KPA for di prome caba tabata tin e informacion aki.Cuerpo Policial a papia cu O.M y a palabra pa kibra e actividad aki poco poco y esey a sosode tambe.E hendenan cu a worde para pa polis a scucha tambe.

E comisario a bisa si cu ta evaluando si lo bay persigui penalmente, esnan cu a organiza e actividad aki.