ORANJESTAD(AAN)—Sr. Arthur Lie di Surinam ta cla cu su team di 10 atleta pa e Best of the Best Power-Ade Cup 2009, cu lo tuma lugar dia 3 di Oktober na Centro deportivo playa, unda cu e selection di aruba su 10 scolnan di taekwondo lo participa.Ta asina cu e evento aki ta haciendo furor caba den exterior, mirando e interes. Sr. Arthur Lie kende tabata na Aruba na juni pa e 10th Open Tierra Del Sol a keda hopi satisfecho cu e resultado nan di su atletanan.
Awor Sr. Arthur Lie ta bay bin cu e mihornan cu tin na Surinam pa e Best of the Best Power-Ade Cup. Sr. Arthur Lie a tende di e Best of the Best Power-Ade Cup di e añanan 90’ y kier ta parti di e come back aki. Sin duda e lo kier logra e Copa di e Best of the Best. E team di Surinam cu ta tumando e evento aki na pecho ta sigura su atletanan bon pa e evento aki.
Aruba ta preparando pa cualkier hende di exterior, nan ta prepara bon, pasobra e mihornan lo bringa contra exterior. Brazil Taekwondo Stichting kende ta organizando e evento aki ta tumando esaki hopi na serio.
E 3 atletanan di Brazil Taekwondo Stichting ta den preparation y no sa ainda kende lo ta nan contricante. Ja caba Miami y Venezuela a manda nan candidato y awor ta Surinam. Falta solamente e lista di Curacao pa asina nos por tin tur hende selecciona. Di akinan nos ta bon bini e delegation di Surinam.
