Home General Si Gobierno a sinta cu Valero awe e situacion di hopi lo...

Si Gobierno a sinta cu Valero awe e situacion di hopi lo tabata diferente

2
0
SHARE
- Advertisement -

AVP VALERO (4)Segun Juan David Yrausquin di AVP:
ORANJESTAD (AAN): Juan David Yrausquin di partido AVP a bisa den rueda di prensa cu ora cu e tabata presidente di ATIA na 2006 tabata tin combersacionnan cu Valero, e tempo ey cu Sr. David Smith.
Sr. Smith a splica tambe cu Valero tabata dispuesto di entrega e tax holiday, cuminza paga tur e belastingnan cu nan tabata exento di dje e momento ey y lo a cuminza duna un minimo di 50 miyon Florin pa aña na winstbelasting na pais Aruba.
Fuera di esey, a agrega, Valero lo a inverti 2 mil miyon Florin den e refineria. Esey lo a sigura e futuro di tur e trahadornan cu ta traha na e refineria aki.
E tempo ey, segun Sr. Yrausquin, el a tuma contacto cu Minister Swaen. El a papia cune na telefon y a bise pa por fabor haci un esfuerzo, sinta na mesa cu e inversionistanan di Valero y cu esunnan cu ta negocia pa Valero keda na mesa y no keda sin combersa cu e refineria pasobra e futuro di hopi hende ta depende di locual ta pasa eyden.
Minister Swaen a nenga y a bisa cu Gobierno no ta bay negocia mas cu Valero y cu nan ta bay arbitrahe. Awe nos ta wak e consecuencia di e actitud aki, a bisa.
Esey ta e actitud di e gobierno di MEP. Esey ta actitud di Sr. Nelson Orlando Oduber. No ta negocia cu ningun hende. Ta nan e unico cu sa tur cos, nan ta experto, a declara.
E mesun situacion por a wak tempo di e sindicatonan tambe cu e gremionan comercial cu gobierno no tabata kier combersa ni sinta na mesa manera hende grandi y yega na solucionnan pa futuro, a agrega.
Si e gobierno actual lo a tuma un actitud diferente y bisa cu e ta sinta na mesa y keda na mesa te ora e ta yega un solucion, awe e situacion di mama y tatanan di famia lo ta diferente, e candidato di e partido berde a manifesta.
E situacion aki ta uno hopi serio mientras Prome Minister ta haci wega y chercha y hasta yen di joke. Hopi mama y tata di famia ta perdiendo nan trabao awe, a agrega.
Ta inaceptable e forma y pakico e ta sosodiendo awe, a enfatiza.

- Advertisement -

DUNA COMENTARIO

Please enter your comment!
Please enter your name here