Home Hudicial Stichting Stanford Aruba cu peticion pa Caso contra Banco Central

Stichting Stanford Aruba cu peticion pa Caso contra Banco Central

1
0
SHARE
- Advertisement -

JudicialORANJESTAD(AAN): Diamars abogado Gabri de Hoogd representando Stichting Stanford Aruba, a entrega un peticion na corte pa un caso contra Banco Central, debi na e hecho cu nan a faya den nan control riba instancianan financiero.Ta asina cu algun tempo pasa a sali na cla cu placa di varios hende na Aruba a wordo gevries den cuentanan di Stanford International Bank Ltd, despues cu propietario di e banco Robert Allen Stanford a wordo acusa di fraude.E banco tabata tin un oficina na Aruba y asina varios hende a deposita placa den e cuentanan, pensando cu nan lo ricibi ganashi riba nan placa.
E banco cu tin su ‘head office’ na Antigua no tabata hasi manera e tabata bisa, cu consecuencia cu hopi hende a perde placa.Stichting Stanford Aruba ta un fundacion cu a wordo lanta pa representa y yuda esnan cu a wordo perhudica pa Stanford Internacional Bank, of cu ainda lo wordo perhudica.

Na 1992 caba e banco a purba establece su mes na Aruba, pero un investigacion pidi pa Banco Central di Aruba cu a tuma lugar na Texas a pone cu Banco Central a nenga nan un permiso.
Stanford e ora ey a logra cumpra un banco na Antigua cu tabata bayendo bancarota y a establece su mes eynan, mientras cu e tabata tin un oficina na Aruba.

Banco Central su responsabilidad ta pa vigila y controla tur instancia financiero di nos pais y segun abogado de Hoogd, den un corant a sali un articulo den cual Banco Central a bisa cu for di basta tempo nan tabata preocupa pa loke ta Stanford.

Pesey e Stichting ta haya cu for di basta tempo Banco Central por a actua y no laga e banco bay asina leu di logra haya tanto hende di Aruba pa inverti den e banco y awor e hendenan ey practicamente lo pro perde tur nan placa.

Propietario di e banco Allen Stanford a bisa algun tempo pasa cu no tin motibo pa preocupa, pero tur cos ta indica cu tur hende mester ta preocupa.Stcihting Stanford Aruba pesey a manda un carta pa Banco Central dia 11 di Mei tocante e asunto aki y nan no a reacciona.

Pesey awor a cuminza un caso, pa tene Banco Central responsable pa e perdida y posibel perdida di e placa di parti di esnan na Aruba cu a inverti den e banco.Huez lo evalua e peticion y tuma un decision riba si e caso lo tuma lugar y ki tempo esaki lo ta.

- Advertisement -

DUNA COMENTARIO

Please enter your comment!
Please enter your name here