Ta parce cu Nel ta odia Aruba di berdad!
Sin pone tino na loke e ta bisa, y menos ainda midi e consecuencianan real y politico, Nel a bolbe laga su lenga core bay laga su cerebro hopi atras, na momento cu el a anuncia den un conferencia di prensa reciente cu e ta bay kita B.B.O., e ta bay subi salario minimo y e ta bay cera e centro cu e mes a habri pa alberga e cholernan. Pa purba compronde kico ta pasa den su cabez di tapara, bo mester tin contacto cu Negro Felipe, o Maria Lionza, o cualke otro bruho di vecindad! No solamente e ta haciendo su mes hopi ridiculo, e ta dunando tambe tur indicacion cu su odio no ta dirigi contra su contrincantenan so, sino contra Aruba y Pueblo Arubiano tambe! Ta con bo por splica anto e contradiccion cu den campaña el a haci bofon di e intencion di AVP pa elimina B.B.O., dunando di entende cu esey ta imposible, anto awor, pa causa un posible obstaculo den e fluho di caha di Gobierno (lesa Aruba!) den e lunanan cu falta pa aña caba, e ta anuncia cu e ta bay elimina e mesun B.B.O.
cu el a introduci contra tur conseho di e expertonan di e ramo, y cu a afecta e poder di compra di tur hende na Aruba, especialmente esnan mas margina.
Pakico e no a elimine prome cu eleccion?
Y su intencion pa subi salario minimo drasticamente ta djis pa pone e hotelnan lomba contra muraya, obliga un cantidad di negoshi chikito cera, y asina pone un presion riba Gobierno (lesa Aruba!).
Y den di tres lugar, ta kico e tin intencion di haci cu e contrato miyonario cu Booshi a duna Edmond pa un renovacion di e huur di loke tabata Hotel Central, awe un albergue pa choler? E intencion ta pa obliga e Gobierno nobo pa paga e huur barbaro ey tog den e proximo 5 añanan, aunke e centro ta cera? Atrobe pakico?
Pa pone otro peso financiero mas riba Gobierno (lesa Aruba!)? Ta asina hopi rabia e tin contra su Pueblo y su isla?
Ta dificil analiza un cerebro bashi, o loke ta pasa pa cerebro pero no ta nada otro cu un acumulacion di compleho, rencor y arogancia. Ta di berdad Nel a kere cu Aruba ta un cunuco di MEP? Cu ta e y su friends and family so por forma Gobierno riba e isla?
Cu e y su malandronan lo tey pa semper? Pueblo, cu tin e berdadero poder den su man, a papia un idioma cla! El a bisa Nel “hasta la vista, baby”, y a mande bay keinta banki den e tribuna di oposicion. Mi ta compronde cu ta dificil pa Nel absorbe e 12-8 cu Pueblo a determina cu su voto, pero ta asina ta y asina e ta bay keda!
Ni maske cuanto e zapatia, ni maske con e drey rond di e resultado ey, ta AVP ta bay goberna Aruba pa e proximo 4 añanan, y posiblemente e proximo 12 añanan consecutivo! Su intentonan di tira obstaculo den caminda no ta bay yuda ni e ni su partido, pasobra Pueblo ta hopi mas inteligente cune, y ta compronde e wega sushi cu e kier hunga contra dje y contra su isla!
E realidad cu e no kier enfrenta ta cu e sedimento corumpi cu su Gobierno a laga atrás ta e resultado di 8 aña di abuso, corupcion y faborecimento di friends and family. Ningun ‘estrategia’ di Nel, dirigi realmente contra su mesun isla, ta bay aroha beneficionan electoral pe aki 4 aña. A bira tempo pa esnan mas sensato den su partido manda e y su gang di bandidonan bay descansa na cas y laga otro ekipo tuma over pa drecha tur e daño cu el a causa.
Awor cu Nel a bira un ehecutor di e programa di Gobierno di AVP, den un di e hugadanan mas infantil cu mi a yega di mira den politica na Aruba, el a caba di perde e streya di Noord por completo!
Ya no ta un inferioridad di caracter ta manifestando su mes, sino e expresion hipocrita di un fracasado den politica y den gobierno cu no sa mas kico e haci pa cumpli cu su rencornan. No tin violacion na cual e no a somete su mes gustosamente pa motibo di su odio contra su adversarionan, patetico den e ultimo escapada aki di un mediocre nato.
Carlos Severino Tromp
Un Pober lidercito “FRACASA” (e mentiroso Nel Oduber MEP)
ta sigui kere den su berdad nan TORCI, ku si e kita BBO, hisa salario minimo, sera e alberga di su igualnan (cholernan), e ta haci “AVP” daño. Caraho Nel Oduber bo ta terco bosa, ignorante ladron corrupto STINKI ainda bon ta siña cu “AVP” NO consisti di LAKRAnan manera bo Nel. “AVP” ta consisti di Homber y Muhernan bon PREPARA (EDUCA) y “AVP” ta bai soloshuna e desaster cu abo y bo banda di LADRON nan a comete contra un Humilde Pueblo cu confia bosonan (MEP) disfrasa na carnenan!!!
Nel Oduber Corrupto Ladron STINKI, ta Evelyn Wever Croes y MEP bo ta haci daño. Ni cuanto bo bula ariba cai abow ÄVP” a manda bo cas cu ordo di e Pueblo di Aruba cu bo TRAISHONA.
Atte. Carlos Severino Tromp
MONALISA TROMP
Awe atrobe mi por goza di un papiamento di un nivel asina halto, asina bunita di Sr. Mansur …..Ku placer nos ta lesa bo editorial tur dia …. PUEBLO a lanta foi sonjo y nan ta sabi y sa ku loke Sr. Mansur ta bisa ta e pura verdad !!! ……BIBA DIARIO, BIBA canal 90, BIBA ARUBA, BIBA AVP, BIBA nos ARUBIANO NAN !!!
jasmin
Ay ay ay nu laat Nel zich voor de 100 keer zien hoe kinderachtig hij is en ik kan steeds niet geloven dat zo een figuur ministro had kunnen worden. Hij bewijst weer dat hij echt niet capabel is om te regeren. Hij en zijn bandieten zitten gewoon te wachten op een misstap van de nieuwe regering daarom het kreet kumpli awor…… Dit is echt stom en is dudelijk een actie bedacht door een stelletjes dombos. Lieve Aruba AVP ta bai regeer bon mi ta 100 % zeker. Laganan grita kwanto ku nan kier. Pueblo di Aruba ku e gobieno nobo ta UN Y UNI
Irving
Ta un berdad… Djies mirando con e por a permiti pone un albergue pa adictonan (esta choler )den CAYA GRANDI lo bopor mira con hopi e infelisnan ey tbt (Booshi, nel, marisol) stima e isla i un progreso pa e pueblo.
Bianca Jansen
Un dia, Sr. Mansur…lamentablemente pueblo mester suffri na man di Gobernante nan cu no solamente a destrui un pueblo humilde pero a sinja nos pueblo con corruption ta destrui tur locual cu tanto a lucha pe! Mi ta summanete feliz cu despues di asina hopi tempo a logra un solo gobierno pa maneha y traha pa pueble, si pa pueble! Hamas pero hamas mi no lo kier wak partido di Mep y su flamante lider N.Oduber sinta riba un stoel cu e no merece! Bo ta corrupto y merece di ta den prison hunto cu tur otro criminal nan, pasobra bo ta un criminal.
bobo lolo
mi ke sa bo tin razon pero ta dikon ta te awo ta bisa e cos nan ey . hopi tempo kaba e taba visto pa esnan cu ta wak anto nan ta biba de exterior i tambe ta rubiano pero nan no tin nada di bisa. paso nan no ta biba ey bow