Home Editorial UPG vs Independencia!

UPG vs Independencia!

2
2
SHARE
- Advertisement -

jossy_mansur_picE escogencia den futuro pa e structura estatal di Aruba no ta entre U.P.G. y L.G.O. (moribundo), sino entre U.P.G. y Independencia total for di Hulanda. Cu e prome, osea U.P.G., e Sta¬tus Aparte di Aruba ta keda garantiza! Den e di dos (Independencia) nos ta perde nos nacionalidad y nos pasport Hulandes! E eleccion actual no tin NADA DI HABER cu e escogencia ey! Ta e desesperadonan di MEP kier haci Pueblo kere cu e escogencia di Diabierna awor ta bay dicidi entre U.P.G. y Independencia! Esaki ta otro di nan mentiranan pa purba spanta e votadornan! E eleccion cu ta culmina Diabierna ta un escogencia entre e continuacion di un mal gobierno (di MEP) y un bon gobierno! Entre e delincuentenan di e partido na mando y e talentonan comproba di AVP.

Ta bon pa enfatiza cu den nan desesperacion total, e grito di MEP pa Independencia a bolbe surgi, e biaha aki cu e respaldo di Nel, mientras cu anteriormente tabata Hendrik y Rudy esnan cu tabata propone e desgracia ey pa Aruba. Pero,cu loke nan ta kere ta un viveza, nan nota agrega kico nan Independencia ta contene. Basta sa cu den un Independencia, nos nacionalidad y pasport Hulandes ta desaparece pa semper.

Na di dos lugar e amenazanan pazuid di nos ta factornan real cu nan no ta tuma na cuenta. Mientras nos nacionalidad ta Hulandes, nos tin e proteccion di e defensa Hulandes y NATO, loke ta un prohibicion pa dictadornan tribi di mishi cu nos integridad territorial! Na di tres lugar, como parti integral di Reino Hulandes, nosta disfruta di unCortedi Husticia imparcial, cu ta garantiza e contenido di nos Leynan, y e separacion di e tres entidadnan cu ta compone Trias Politica.

Djis para keto un rato y laga boso imagination pinta pa boso un Hendrik Croes como Procurdor General o President di Hof! Ni Stephen King pordescribi algo mas espantoso!
Pa tur e motibonan anterior, Pueblo ta bay rechaza Independencia categoricamente dia bin un Referendum pa dilucidad e punto ey! Ta bon pa aclara, sinembargo, cu den e caso di UPG, Aruba no solamente lo mantene su Status Aparte y e autonomiannan conkista, sino cu e lo haya ademas tur e beneficionan cu Aruba ta desea di Union Europeo. Ta Aruba, a base di e
derecho di autodeterminacion mester indica na Union Europeo ta cua partinan e ta desea di e beneficonan cu e union aki tin pa concede. Aruba pordesea, por ehemplo, di tuma e beneficionan cu ta bay directamente pa estudiantenan Arubiano porstudia mediante becananden cualke pais cuta parti di Union Europeo.

Aruba por haya, ademas.su parti di edisponibilidad di fondonan cu na e momentonan aki ta imposible pa obtene pa motibo cu e ingreso per ca¬pita na Aruba ta halto, pero cu por sirbi di compensacion pa e hecho cu nos ta un pais chikito. Na e momentonan aki tin un consenso den derecho internacional cu paisnan chikito ta vulnerable, y pa motibo di nan vulnerabilidad mester bin na remarca pa haya cierto asistencianan.

Union Europeo ta lidera e pensamento aki y ta pesey tambe a hinca den UPG e oportunidad pa paisnan manera Aruba por goza di e beneficionan menciona. Y finalmente, den UPG nosta conserva nos nacionalidad y nos pasport Hulandes, cu tur e balor y respet cu nan ta representa!
Calamidadnan manera di horcan o cualke crisis internacional, lo worde respond! no solamente cu fondonan disponible pa esaki, pero tambe cu e capacidad humano necesario pa asina un pais chikito manera Aruba por enfrenta e consecuencianan, natural o financiero.

Si nos tabata parti di UPG awe, pa e recesion devastador cu nos a caba di experiencia riba nivel internacional, Aruba lo por a ricibi e ayuda necesario fordi Union Europeo pa asina suaviza e efectonan negativo pa nos comunidad.

Pesey e eleccion aki ta asina importante, pasobra informacionnan intencionalmente malo y ekiboca ta ser lanza pa purba influencia y spanta Pueblo cu U.P.G., y pa tapa e intencion verdadero di MEP cu ta desea Independencia pa continua cu nan faboritismo pa friends and family, y evita e investigacion cu Hulanda ta bay haci na Aruba. E spanto cu tin den e curpa di e Ministronan, y otro abusadornan y coruptonan di MEP, ta grandi, pasobra cu un investigacion asina no tin scapatoria! Ta bon pa nan sa cu tin suficiente espacio na KIA pa acomoda nan tur!

- Advertisement -

2 COMMENTS

  1. SR. Mansur DANKI DANK DANKI atrobe pa publica e BERDAD pa e personan nan IGNORANTE ku ta kere ainda den MEP ….

    Increibel ku ainda despues di tanto fechoria ainda tin BOBO nan ta kana lembe tras di MEP of juist ta paso nan ta hanja plaka bow mes nan ta kana lembe nan tras ainda.

  2. Ora cu ke compara Independencia cu UPG, no por haci comosifuera Aruba no lo tin lazonan mas cu Hulanda y e Union Europeo, pasobra Aruba e ora lo bai tin lazonan di ACS cu Europa.

    Independencia total di Hulanda ta nifica remplaza e actual lazonan pa lazonan nobo, moderno totalmente decoloniza, cu lo bai ta a base di amistad y respet mutuo, comparabel cu lazonan ya existente por ehempel entre Hulanda y Luxemburg of entre Francia y Andorra, entre Italia y San Marino, entre Inglaterra y e Islanan Independiente den Caribe, di cual tur tin lazonan di ACS cu e Union Europeo.

DUNA COMENTARIO

Please enter your comment!
Please enter your name here