Home Politica Vota conciente, sino Gobierno lo vota pa bo!

Vota conciente, sino Gobierno lo vota pa bo!

5
1
SHARE
- Advertisement -

SHARLENE STARKE copiaSharlene Starke nr. 8 Partido Democracia Real:

ORANJESTAD (AAN) : Candidata di Partido Democracia Real, Sharlene Starke ta expresa cu dia 25 di september 2009, lo bay tuma lugar e eleccion electoral di Aruba.
E resultado di e eleccion aki lo determina ken lo goberna nos pais pa e proximo 4 añanan. Como cu e aña aki e eleccion lo tuma lugar entre 8 partido politico, e ta sumamente importante pa e pueblo ta debidamente informa kico cada partido tin pa ofrece pa loke ta trata e puntonan di gobernacion pa e proximo 4 añanan.
E hecho aki ta algo hopi serio, como cu e pueblo di Aruba lo bay ta forma parti di e huradonan cu lo dicidi ta ken lo haya e oportunidad pa goberna Aruba. Ta pueblo di Aruba lo dicidi esey.
Ta lastima si, pa mira cuanto partido politico ta organiza eventonan politico, na unda tur ta bay combina cu cuminda, bebida (alcoholico), entretenimiento (musica) cu ta haci, cu e meta di informa e pueblo debidamente, no ta e meta principal mas. E actividadnan por ser considera manera fiestanan di celebracion. Mi ta puntra mi mes e ora ey, kico tin di celebra den e temporada aki ?
E lastima principal di tur esaki ta e miles di Florin, cu ta ser gasta na e actividadnan politico, siendo cu tur e miles di Florinnan ey por ser usa mas util. Tin hopi famia na Aruba cu tin cu kibra cabes ta con ta haci pa paga tur e gastonan fin di luna.
Tin hopi alumno cu lo ser kita for di school, si nan mayornan no logra sera e contribucion pa e aña escolar. Tin hopi mama soltera cu tin cu traha 2 of mas trabao, pa por logra pone cuminda riba mesa.
E hechonan aki no ta nada di celebra. Nos hendenan ta lubida, cu loke ta sosode den e stemhok dia 25 di September, ta keda entre e persona cu ta vota, e potlood y e stembiljet. Enbes di haci uso di e oportunidad pa berdaderamente na un forma democratico elabora riba puntonan importante di gobernacion cu e pueblo votador, fiestanan cu banda, cuminda y bebida ta ser organiza.
Por ultimo mi kier a urgi e pueblo pa por fabor haci uso di bo derecho di vota. Hopi hende ta di opinion cu si nan bay vota of no, no ta haci diferencia. Alavez tin un grupo grandi di votadornan cu ta pensa cu si nan destrui nan stembiljet pa motibo cu nan no kier vota, cu esaki lo no afecta e resultado. Tur esaki aki riba menciona ta incorecto. E votonan cu ta invalido lo bay den e parti di e restzetel, caminda indirectamente bo voto invalido (alavez di e personanan cu no presenta) lo ser considera tambe den e resultado final di e eleccion. Un bes mas, si bo no haci uso di bo derecho di vota, Gobierno lo vota pabo.

- Advertisement -

1 COMMENT

  1. Lamentable ta cu e “juffrouw” aki mes ta stroba su mesun jui pa e wak su tata. Un diablo den cuero di carne! Esun cu sa sa!

DUNA COMENTARIO

Please enter your comment!
Please enter your name here