Home Estilo Wally Warning ta e artista di September di United Artists of Aruba...

Wally Warning ta e artista di September di United Artists of Aruba Foundation

1
0
SHARE
- Advertisement -

wally1ORANJESTAD (AAN): Tur fecha di 15, United Artists of Aruba Foundation (UAAF) ta presenta un Artista di Luna di e Comunidad di Artistanan cu ta uni pa sostene y yuda otro den manifesta e Alma Creativo di nos pais. September 2009 ta e Luna di Wally Warning, kende ta logrando exitonan sin igual rond mundo como Songwriter, Multi-instrumentalista, Guitarista, Bajista, Percusionista, Cantante y Compositor cu 14 Cd y un DVD riba su nomber.
Sali for di e ambiente meramente tropical di Aruba, pa duna presentacionnan popular rond Europa, pasa anima concierto na Rusia, na Alabama y bay yuda hende necesita den areanan di pobreza total na Etiopia, Wally Warning ta conquistando henter mundo cu e alegria musical cu su piesanan ta emiti di forma calurosamente tierno.

 Mescos cu hopi otro hoben creativo di su tempo, Wally mester a genera un dedicacion y determinacion exayeradamente fuerte na kier haci arte su forma di bida pa por a sobrebibi desaprobacion demostra pa e generacion di su mayornan.

wally2Cu 17 aña el a biaha pa Europa arma cu un amor perpetuo pa musica, su carisma natural y un dosis sano di alegria y sentido di humor cual a yud’e sobrepasa hopi reto riba su caminda di biba un bida creativamente expresivo.

Den e dedicacion ey Wally a toca hopi curason. Mientras musica tabata algo cu e mester a bringa p’e, Wally a bira un multi-instrumentalista briyante, masha aprecia pa su cancionnan cu ta inspira creaccion di un miho mundo pa cada ser humano.

Unavez e cantante talentoso aki subi escenario, sea cu su banda of den presentacion solo, su magnetismo ta atrae atencion total y aprecio puro di henter su publico. Wally ta capaz pa pone tur hende sinti su mes uni den e totalidad di ta ser humano.

Despues di a biba algun aña na Hulanda Wally a settle na Munich, Alemania for di unda e ta sobrepasa tur posibel frontera na mundo den variacion den estilo di musica y idioma cu por yud’e trece su mensaje dilanti. Na varios ocacion Wally ta ilustra cu siendo un homber preto, su lucha tabata hopi fuerte na Alemania.

Mientras e corant Aleman “Südkurier” a referi na su arte como “A better world music!” Wally su estilo netamente unico y original ta tipifica pa su naturalesa realmente autentico y sincero; un mescla multicultural cu ta captiva curazon y orea instantaneamente.

“Amor por salba nos” ta Wally su mensaje kende den dedicacion total na Jesus Christo a transforma su bida y pa laga energia di Christo influencia su musica cu entrega total. Na 2007 Wally a graba su cancion “Hand in Hand” na Africa riba invitacion di e organizacion Aleman Menschen für Menschen cual ta ejecuta proyectonan di desaroyo den nuebe region na Etiopia.

www.unitedartistsaruba.com ta ofrece e link caminda por aprecia con Wally su bos a integra den un totalidad profundamente conmovedor cu muchanan necesita na Africa.

Nos Wally di Aruba a sa di instala su mes den un mundo sumamente competitivo, bira un misionario cantautor cu ta pasa di frontera pa frontera. Ademas, manera e publicacion “Süddeutsche Zeitung” a expresa: “Wally prefers to compose soft verses about love, faith and hope rather than to exploit commercial trends.”

Den Wally su mes un palabranan e ta mira su arte den un forma simplifica: “In a time of electronic over-saturation, I like to place special emphacis on original musical craft; this eases a song into what is essential and slows us down to a place where less is actually more.”

 Te cu 2008 Wally a produci un total di 14 CD di cual e piesa y DVD No Monkey tabata un hit rotundo na Alemania. No Monkey ademas ta tipifica masha kende Wally realmente ta: ni maske kende of con, e ta sigui compone, toca y comparti pa deleita curazon di mundo henter. Wally su dedicacion ta sobrepasa precio, semper e ta cla pa yuda tur hende.

- Advertisement -

DUNA COMENTARIO

Please enter your comment!
Please enter your name here