ORANJESTAD (AAN): Diasabra pasa Women’s Club of Aruba a tene nan Fiesta di Gala na Renaissance Convention Center. E tema tabata “Remembering the Thirties”. Gobernador Fredis Refunjol y su distinguida esposa Clarette , cu ta miembro honorario di Club tabata presente pa duna un toque special na e anochi aki. Clubnan di servicio tambe a acudi.E anochi a habri cu e Himno canta door di Benita Esguerra, despues Pearl Cromarty a canta e Ode di e Club. Tur miembro hunto a reza e Collect for Club Women.Maestra di Ceremonia Omaira Silva a haci tremendo trabao. Presidente Adelaida Ponson a propone un Brindis riba e 75 aña , Señora Clarette Refunjol a duna un speech elocuente, cu a worde aprecia masha hopi.
E fiesta tabata sublime, cu animacion primeramente door di nos maestro Tino Ruiz, despues J-Formation a take over cu nan muscia di 30’s, 40’s etc. , cu a yena e pista di baile di imediato.
Como cherry riba e bolo Landa Henriquez a presenta cu su orquesta complete pa dune un tremendo show.
Y last but not least el a surprise e presentenan cu “ Mariachi Perla di Aruba”, cual a pone tur hende lanta bin dilanti pa canta y baila riba e musica contagioso aki.
Nos por bisa cu e fiesta tabata un exito complete y inolvidable.Nos ta desea Women’s Club Hopi aña mas di Bida y Salud pa sigui traha pa nos comunidad.
