Home Policial Yiu muher cu machete y bao di influencia despues a agredi su...

Yiu muher cu machete y bao di influencia despues a agredi su mama

0
0
SHARE
- Advertisement -

ORANJESTAD.(AAN): –Problema familiar a surgi na un cas situa den Pinda straat. Diahuebs mainta pasa di 11’or a solicita presencia di polis na un cas den Pindastraat.Na yegada polis a topa e señora C. cu e agentenan conoce y cu tabata bao di influencia. Segun e homber cu ta tata di C , su yiu muher ta molestia e mama.Ademas e tata a declara cu su yiu muher ta cana bay bin den cas cu machete y e zwaai cu e arma peligroso aki Polis a papia cu e muher C,. pero e no a mustra comprension.
Na mesun momento agentenan a wak e machete benta na suela y e muher C. a trata pa pasa man pa e arma. Pero polis a reacciona mesora pa evita esaki.E machete polis a entrega na tata di C. pa e ward’e na un lugar segura.

Tumando na cuenta e estado di C. y pa evita mas problema, polisnan a dicidi cu lo ta mihor detene e muher. C. pa su seguridad y seguridad otronan.Wel e muher C. a resisti fuertemente y hasta el a gara poster di luz .

Despues el a laga su curpa cai na suela y a cuminsa huña su curpa.Polis segun e version mester a hasi uso hopi forza pa logra pone e muher C. den boei.

Na un momento dado durante cu polis a purba pone boeinan na man di e detenido, e señora mama a manda un schop dal su yiu muher den cara.Finalmente polis a transporta e muher c. direccion warda.Fiscal auxiliar a ordena pa encarcela e muher.

Den careda di 7’or di anochi, e muher C. a recobra su libertad y asina por a bay cas.
Un rato despues ta drenta yamada na central di polis, cu e muher C. ta bati su mama.
Mesora central di polis a ordena patruya Oranjestad pa dirigi nan mes pa Pinda straat.
Esun cu a yama polis a añadi cu e mama ta gritando solicitando pa yudanza..

Cu mas rapidez e patruya a presenta y a atende e mama di C. mesora. El a bisa di a pleita cu su yiu muher pa motibo di boter di rum, segun version policial ta menciona.E muher C. ta kere cu su mama a regala su boter rum na otro persona.Polis a intermedia entre mama y su yiu muher pa calma e situacion.

- Advertisement -

DUNA COMENTARIO

Please enter your comment!
Please enter your name here