Home General “Lo mi haci tur lo posibel, pa representa Aruba dignamente na Hulanda”

“Lo mi haci tur lo posibel, pa representa Aruba dignamente na Hulanda”

0
0
SHARE
- Advertisement -

edwinabathORANJESTAD (AAN): Despues di eleccion lider di partido AVP y proximo Prome Minister Mike Eman a anuncia cu Edwin Abath, kende no a participa na eleccion 2009, lo bira e proximo Minister Plenipotenciario na Hulanda.DIARIO recientemente a entrevista señor Abath, pa haya sa mas di su nombracion. Segun Abath, e noticia aki tabata conoci for di 4 aña pasa caba. Unico diferencia ta cu e aña aki e no a participa na e eleccion.El a sigui bisa cu scuchando e comentarionan, el a ripara cu tin hende ta bruha cos den otro.
E eleccion aki ta un eleccion pa Parlamento. “Naturalmente si mi no ta riba un lista, mi no por ta Parlamentario”.

“Pero semper ta prerogativo di formador, pa trece un persona aden, sea cu e ta riba lista of no, mirando pues cu nos conoce e asina yama ‘Vak-Minister’, pa forma parti di e parti ehecutivo di gobernacion”.

Esaki segun Abath, kende a sigui bisa cu e noticia a bin un tiki como sorpresa, pero no cu e tabata imposibel.

E proximo Minister Plenipotenciario a bisa si cu ora cu el a worde ofreci e posicion aki, e mester a papia prome cu su famia y na momento cu tur hende a bay di acuerdo, el a bisa formador Mike Eman, cu e lo acepta esaki.

“Nos ta bay haci tur lo posibel, pa tene nomber di Aruba na halto na Hulanda”, segun Abath.
DIARIO a puntra señor Abath si e tin algun plan caba di areanan riba cual e lo kier traha.

El a splica cu den liñanan grandi e Minister Plenipotenciario su rol ta e cara di Aruba y e maneho continuacion di e maneho di Gobierno di Aruba na Hulanda.

Den e sentido ey nos hendenan por conta cu nan tin un representante di Gobierno na Hulanda, un hende cu por ta e orea, e bista di Gobernacion di Aruba pa cu nos hendenan.

Aruba Huis lo ta un lugar caminda tur nos hendenan y nos studiantenan kendenan tin aspiracion di bin back pa traha na Aruba, por yega y haya atencion necesario.

E ta un lugar tambe pa promove y mantene e balornan di Aruba, hasta ora cu nos ta pafo.
Esaki segun Abath, kende a sigui bisa e ta bay haci tur cos posibel pa sigui riba e liñanan ey, actuando den sincronizacion cu Gobierno di Aruba, directamente cu Prome Minister di Aruba, pa por haci e mihor tarea posibel, pa nos hendenan haya e confianza, cu nan ta worde dignamente representa na Hulanda.

- Advertisement -

DUNA COMENTARIO

Please enter your comment!
Please enter your name here