Home Politica Adios na Rudy Lampe un biaha mas

Adios na Rudy Lampe un biaha mas

5
2
SHARE
- Advertisement -

Analisis Politico
ORANJESTAD (AAN): Den medionan di comunicacion por a tuma nota cu probablemente e ex pastor Rudy Lampe ta bay bandona Aruba y busca biba y empleo na un otro pais. Esaki ta e miho cos cu e por haci. Den un analisis politico di un par di dia pasa nos a trece padilanti cu ex pastor Rudy Lampe no por bira pastor mas na Aruba y tampoco e por bay duna les mas ariba nos isla. Pesey berdad ta miho pa e busca otro pais pa biba y ta di spera cu ey e lo no haci e mesun cosnan hororoso cu e a haci na Aruba. Cu bijbel den man e a tortura hendenan drechi inocente cu a duna na miho añanan na e pueblo di Aruba.


Sin lo minimo di duele hasta despues cu nan a worde declara completamente liber door di nos Hueznan e a ripiti e ofensanan teribel den na direccion.

Durante su periodo corto den politica na Aruba e mustra nos pueblo cu e ta un mentiroso patologico cu no ta ni corda pa su mañan cu e a gaña algo. Esnan cu conoce bon manera Nel Oduber cu pa añanan largo e a yuda haci e trabaonan mas sushi cu tin den politica a yame publicamente un porco sushi.

Un expresion cu nunca antes a worde usa pa un politico na Aruba. Ni e hendenan di MEP no a yega di usa palabranan asina denigrante y ofensivo cu Nel a usa pa describi e caracter di e ex pastor Rudy Lampe.

Nan cu e a yuda cu trabaonan vies pa trata di tur manera mancha nomber di e contrincantenan di MEP a yame asina. Ta pa gran parti gracias na su manera horendo Sanicolas no a haya su racetrack. E a instiga e grupo di demostrantenan te cu nan a sende auto na candela y kibra edificio di parlamento.

Pa colmo e y su ministro Pontilius a yuda MEP introduci e BBO ariba lomba di nos pueblo. Un medida cruel cu nos pueblo no a merece. Manera e mes a yega di declara cu e sali for di MEP pasobra MEP no a dune loke e tabata desea.

Sinembaro henter campaña e a declara cu e por forma un gobierno cu MEP. Pe ningun momento e gobernacion maligno di MEP durante e ultimo 8 añanan tabata un motibo pa bisa e votadornan di Aruba cu e lo no por yuda un gobierno asina continua pa 4 aña mas.

No, cada biaha cu e a haya e oportunidad e a enfatiza cu e lo bay traha cu MEP mustrando asina su mentalidad putri cu pueblo a capta y a kita su asiento di dje. Un persona asina cu bijbel den man y nomber di Dios cada rato den su boca no por predica na Aruba nunca mas.

E ex-pastor ta un individuo cu a worde cori malamente for di cama di hende muriendo cu mester a ricibi Santo Olio pasobra e persona aki a sinti cu e pastor aki ta un diabel den den paña di un sirviente di Dios. E persona muriendo a bisa e personal di hospital cu e ta prefera di muri sin Santo Olio pero no haya Rudy Lampe na su cama di morto.

Esaki ta ilustra e tipo di hende cu e ex pastor ta y pesey ningun momento e por ni bay predica mas na Aruba ni duna alumnonan inocente les. Ta na Obispo na Curaçao pa mira kico e por haci cu e persona aki.

Pasobra sin mas manda un caracter asina ariba un otro pueblo ta pica. Unda cu e bay sinembargo lo ta bon pa e pensa e maldnan cu e a haci akin a Aruba y e sufrimento cu e a causa hende digno solamente pa complace su ego y complace su amigonan den MEP. Lo ta bon pa e ex pastor aki reza na Dios pa pidi pordon pa e actonan horibel cu e a comete.

Por ta e momento ey e por pensa e dolor imenso cu e a causa un pareha cu tabata su amigo y cu a confie den tur cos cu nan tabata haci y te hasta a laga e casa nan. Awo e tin e tempo y oportunidad pa mira si e por haci su consenshi limpi di tur loke e a haci.

- Advertisement -

2 COMMENTS

  1. Bijbel ta siña:

    Hòmbernan asina ta apòstelnan falsu, trahadórnan engañoso, kendenan ta disfrasá nan mes komo apòstelnan di Cristo. I no ta nada straño, pasobra Satanás mes ta disfrasá su mes manera un angel di lus. Pesei no ta nada straño si su sirvidónan tambe ta disfrasá nan mes como sirbidónan di husticia, kende nan fin lo ta segun nan obranan. >>>2Korintionan 11:13-15

    Bijbel ta sigui siña:

    Pesei, duna fruta ku ta kuadra ku repentimento, y no kere ku boso por bisa den boso mes: nos tin Abraham komo nos tata’, pasobra mi ta bisa boso ku Dios por lanta yunan pa Abraham for di piedranan. I ya kaba e hacha ta poní na e rais di e paluna. Pesei tur palu ku no ta duna bon frutata wòrdu gekap i tirá den candela. >>>Mateo3:810

DUNA COMENTARIO

Please enter your comment!
Please enter your name here