Home Politica Analisis Politico….. Marisol vs Nel

Analisis Politico….. Marisol vs Nel

2
1
SHARE
- Advertisement -

ORANJESTAD (AAN): Fin di siman pasa Marisol a reacciona ariba e derota cu MEP a haya den eleccion y a bin splica cu e mester a campaña contra su mes hendenan den MEP. Cu su declaracion e a confirma cu den MEP tin un decadencia total. Marisol ta esun cu casi tin e record di corupcion. E corupcion di e Croesnan ta mas parte door di cual ta mas dificil pa sa exactamente con grandi esey ta.
Marisol a haya e mensahe di Nel cu no tin campaña personal mas y cu e eleccion cu a pasa ta Nel mester a haya e votonan. Marisol a saca su rabia siman pasa pasobra e ta e candidato cu mas a perde voto. Loke a sosode den MEP ta cu Marisol a worde informa cu si e no stop cu su campaña miyonario nan den MEP mes lo denuncia Marisol na e autoridadnan.

Nel sa exactamente kico Marisol a haci y e a usa esaki pa kita Marisol for di su caminda. Marisol a worde poni di e manera aki den un skina cu e no por a sali for di dje. E campaña di Marisol a cuminza na su containernan na Tanki Leendert pa despues tene un actividad nan Fermins Bar na Noord. Ora Nel a wak esaki e a realiza cu si Marisol sigui asina e ta bay gane den voto y pesey a para Marisol brutamente cu menazanan serio.

Marisol su campaña a worde para y Nel por a haya mas voto cune. Pero manera nos a scucha Marisol ta parce cu e asunto no a caba ainda. E rabia cu Marisol tin den su curpa no ta bay desaparece sin mas. Siman pasa e a duna su prome reaccion y ta sigur cu esaki ta un inicio pa e bay keda square cu Nel. E pelea den MEP awo ta na su cuminzamento y lo bay bira hopi mas sushi y fuerte.

Marisol no ta bay acepta e derota sin mas y lo haci tur posibel pa revancha su mes. Prome cu campaña a cuminza Marisol tabata sigur cu e lo bati tur su coleganan ariba lista y lo haya hopi mas voto cu Nel mes.

Esaki tabata e plan y e tabatin tur placa di mundo pa haci esaki tambe. Nel a para e plannan aki y na caminda lo sali con e a haci esaki. Door di e situacion aki e ambiente den MEP ta malisimo y esaki lo no drecha por lo pronto. Ariba esaki tin e investigacion Hulandes cu ta na caminda unda Marisol ta e sospechoso mas grandi. Aki tambe tin e confrontacion entre Nel y Marisol pasobra ta mustra cu tur e documentonan cu a worde publica di e corupcion di Marisol a worde manda door di Nel mes of door di hendenan cerca di Nel.

Di e manera aki nan kier a haci Marisol daño pa sigura cu e lo no pasa Nel den voto. Esaki tin consecuencianan serio pa Marisol pasobra e documentonan cu a worde manda pa publicacion ta pruebanan palpabel di corupcion grandi. Semper nos a trece padilanti cu e ministronan di MEP y nan miembronan di Staten ta enemigonan di otro y cu e unico cos cu ta tene nan hunto ta cu nan ta “brothers in crime” y cu si nan spat for di otro un cantidad di nan lo por caba den KIA.

Mirando e pleito cu tin awo den MEP por ta cu hasta prome cu e investigacion Hulandes cuminza ya caba por tin casonan dilanti Huez entama door di nan mes contra otro. E gozamento den gobierno a caba y tin un cantidad di hende rond cu a keda rabia y cu kier pa otronan paga pa e hecho cu nan no ta den gobierno mas.

Marisol a cuminza dunando Nel e falta di e caida splicando cu e campaña di 100% a haci MEP hopi daño y ta mustra cu Marisol no ta bay laga tur esaki bay drumi. E ta studiando con e por tabla cu Nel sin cu e mester bay cera. Pesey den e simannan nos dilanti nos ta bay tende hopi mas di e campaña cu a kibra e carera miyonario di Marisol.

- Advertisement -

1 COMMENT

  1. Nelson Orlando Oduber (MEP) Rei di Corrupshon, Marisol Lopez Tromp, (MEP) Reina di Corrupshon!

    “Tur reino DIVIDÍ kontra su mes ta keda na ruiná; i un kas DIVIDÍ kontra su mes ta kai. I si Satanas (Nel Oduber MEP) tambe ta DIVIDÍ kontra su mes, KON SU REINO LO KEDA????????

    “Ora ku e hómber fuerte, (Nel Oduber MEP) ta cuida su mes palasio, su propiedadnan ta bon segura; ma ora ku un (Marisol Lopez Tromp) mas fuerte kuné atak’é i poderá di djé, esei te kita for di djé henter su armadura riba kual e tabata konfia, i ta parti su botín.

    Bendishoná ta esnan ku ta tende e palabra di Dios i ta ward’é” San Lukas 11

DUNA COMENTARIO

Please enter your comment!
Please enter your name here