Home General Asesinato den curazon di Savaneta pega cu Cas di Gobernador

Asesinato den curazon di Savaneta pega cu Cas di Gobernador

2
0
SHARE
- Advertisement -

morto1Dorothy Adelle Hassel di 73 aña mata den su cas
ORANJESTAD (AAN): Diasabra anochi den careda di 8’or y 30, central di polis a worde informa cu famianan lo a haya un persona den un cas na Savaneta 328 cu no tabata duna señal di bida. Mesora a manda polis di San Nicolas na e sitio cu a constata en berdad cu un hende muher tabata benta riba flur den sala di e cas menciona cu diferente heridanan. Dr Kiwi a presenta na e sitio y a constata morto di e victima, na bida yama Dorothy Adelle Hassell, naci na Saba dia 11 di November 1935 y biba na Savaneta 328.
E señora ta biba su so. Mesora a notifica autoridadnan competente cu a cuminsa cu un investigacion pa determina si ta trata di un caso di asesinato.

Diadomingo mainta 11’or e fiscal auxiliar di e departamento di Recherche di San Nicolas a confirma oficialmente cu a traha un team pa investiga e caso aki como un homicidio.

Nan ta pidi pa cualkier persona cu por a tende of mira algo particular riba diasabra 10 di October 2009 entre 4’or di atardi y 8 or y 30 di anochi, pa tuma contacto cu departamento di Recherche di San Nicolas na 584-5000 of laga un tip riba e tiplijn na 11141 pa asina yuda haya claridad riba e crimen lamentable aki.

Mas informacion no ta accesible na e momentonan aki, y mirando e naturaleza delicado di e investigacion penal aki, Cuerpo Policial mester dirigi tur pregunta relaciona cu e caso aki di awor padilanti na Ministerio Publico segun acuerdonan interno cu OM.

- Advertisement -

DUNA COMENTARIO

Please enter your comment!
Please enter your name here