Home General Awor ta fiesta den hotel pa celebra 10 aña on line

Awor ta fiesta den hotel pa celebra 10 aña on line

1
0
SHARE
- Advertisement -

Lotto ta sigui malgasta placa
ORANJESTAD (AAN): Tur cos ta pinta cu esaki ta e ultimo fiesta cu e grupito di lotto lo tin prome cu nan bandona gobierno. Falta asina mes un viahe mas cu lo sosode den careda di otro siman. Loke ta pasando den lotto ta algo increible. Porfin e berdad di fiesta di placa lo sali na cla.
Esnan cu ta come y biba di lotto ta spanta. Tur manera nan ta purba hustifica tur e desaster cometi. Esaki lo no yuda. Friends and Family bibo bibo tabata reina tur tempo di Lotto pa Deporte. Imaginabo cu tin F&F cu te hasta a lanta compania di construccion pa tur cos pasa via nan. Cobra miles di florin pa proyectonan cu practicamente no ta balora na loke nan a traha pe.

Awendia rond mundo e corupcion mas grandi ta den construccion. E grupo liga na MEP y cu vinculo directo den lotto a haci mescos. Nan no ta worry pa tene gasto abao. Basta e pasa via nan compania cu ta gana placa riba cualkier material cu lotto mester cumpra.

Esaki ta e abusonan cu lo ser investiga. E administracion por ta cuadra bon bon manera nan mes ta bisa. Pero esey no ta kita cu a manipula cu placa di lotto.

Semper den parlamento ora di trata presupueto di lotto e tabata un problema pa e minister saca su curpa for di e mal maneho y dudoso cu tabata tin eyden.

Keda pendiente pa mas di lotto cu lo bai bira e prome investigacion cu lo bai spanta e pueblo ora cu e berdadnan sali na cla. Sumanan di miyones cu a bai pa cuentanan di F&F cu berdad mester di aclaracion riba nan.

Pa e siman aki lotto a dicidi di pone un fiesta den ballroom di un hotel grandi. Aunke e orario ta di un fiesta di mucha tog ta un fiesta pa adulto. Ta bai celebra y gasta miles di florin inecesariamente pasobra lotto ta haci 10 anja on line. Cantidad di ekipo ta busca manera di haya un sosten financiero di lotto y nada.

Pa fiesta y viahe personal si lotto tin placa na abundancia pa malgasta. Sigui trapa riba e pueblo y prepara pa e cabeznan cuminsa cay.

- Advertisement -

DUNA COMENTARIO

Please enter your comment!
Please enter your name here