Home Politica Benny Sevinger…..Minister di Integracion, Infrastructura y Milieu

Benny Sevinger…..Minister di Integracion, Infrastructura y Milieu

18
0
SHARE
- Advertisement -

avpbennysevinger“ Nos a bay eleccion cu un plan “Aruba Ariba”. Esey ta e base pa e proximo Gobierno. Formador durante di e ultimo dos pa tres simannan tabata tin tur instancia of personanan cu tin di haber cu Aruba caminda tur a duna nan inbreng y cu esaki ta bay pone den un guia cu lo bay hunto cu “Plan Aruba” y for di e dosnan ey lo traha un plan di gobernacion y esey nos ta bay ehecuta den e proximo 4 añanan. Pa loque ta trata ami, lo mi ta manehanado e parti di integracion, caminda nos hendenan cu bin di afor, pa nan permiso tan a orden, pa na mira cu nos mercado laboral lo keda demanda pa loque e haya trabaonan na prome lugar pa nos yiunan di tera y despues pa esunan cu bini di afor.

Pa e parti di infrastructura lo mi ta hopi dedica na e producto Aruba, esey ta nifica remodela, renobacion di nos centro historico cu lo ta bay ta na Parlamento, pasobra e edificio aki lo bay cambia aki un aña y mei si nos bay ariba schedule pa haya un renobacion real caminda patras lo bin e centro historico.

Tambe lo nos bay traha pa e centro di ciudad, nos lo bay traha San Nicolas y e centro di San Nicolas, tur e barionan tambe lo haya parti di e remodelacion aki. Nos lo bay traha camindanan cu lo bay nifica hopi pa e seguridad di nos trafico tambe pa e acesabilidad pa loque ta trata nos trafico por ehempel ringweg 3 lo bini.

Tambe lo traha ariba e 4 baansweg cu ta e caminda principal di Playa pa San Nicolas y esey tambe ta conta pa tur e camindanan cu lo wordo asfalta . Lo maximo nos lo haci den e proximo 4 añanan.

Nos lo traha tambe pa loque tat rata cas social pa FCCA, dunamento di tereno lo bay wak tambe con rapido ta haal in loque tin na peticion.

Nos lo traha tambe ariba e parti di medio ambiente esey ta nifica recogemento di sushi, tene nos isla limpi, conscientiza, trece e baki di sushinan bek den bario un bez pa luna pa e grove vuil, tambe pa duna na tur e schoolnan na tur instancianan con lo nos por mantene nos isla y haci esaki manera cu nos a core campaña un “green island” den futuro.

Den nos gobierno anterior nos tabata tin “Aruba bunita”, na e momentonan aki nos lo wak kico ta e trabaonan cu Serlimar ta haciendo y parti cu DOW ta haciendo y mi por bisa di awor aki cu tur loque ta traha e ploegen nan cu ta mantene Aruba limpi cu tin awor aki na Serlimar, lo bay bek DOW pa e ora ey tin un mihor maneho coordina for di DOW, pasobra awor aki tin un parti na DOW y un parti na Serlimar y no tin un bon coordinacion di con nan tin di traha, ki parti nan tin di mantene.

Nos lo bay traha un plan di aanpak caminda lo parti Aruba den diferente sectornan caminda cada un di e ploegnan aki lo haya un sector pa nan mantene y nan lo keda den esey tambe. Lo bay tin por ehempel nos schoolnan, nos santananan, diferente proyectonan special unda cu mester di e gruponan aki pa en todo caso den e parti di limpieza di Aruba por optimaliza y nos por tin atrobe un Aruba limpi cu nos tur kier biba ariba dje.

Hunto cu esey lo bini planesnan y lo bini programanan di concientizacion cu nos lo bay mustra na nos pueblo con Aruba lo ta e “green island” di Caribe pa futuro. Y eynan nos ta bay traha hopi duro den e proximo 4 añanan.

Papiando di e deficit di Serlimar, nos sa cu durante e ultimo presupuestonan nan a gasta mas di loque eigenlijk nan entrada ta, pasobra den comienzo caba nos a bisa Gobierno cu bo ta pone y loque ta haci Serlimar zigeunarist y bo ta pone menos placa disponibel pa nan cu bo mes ta creando un deficit eynan.

Esaki tabata di haber cu recogemento di sushi mester a wordo paga pero na final Gobierno a dicidi cu esaki no ta bay wordo haci mas e ora ey Gobierno mester a subi e entrada cu loque nan ta paga Serlimar y esaki no a wordo haci den e ultimo añanan kiermeen tin un deficit eynan cu nos lo mester bay atende cu ne.

Y basa ariba esey tambe nos lo bin cu reorganizacion den Serlimar pa wak con e gastonan por keda bao control, haci un bon trabao, duna un bon servicio pero manteniendo e gastonan abao. Nos ta kere cu na e momentonan aki e gastonan di nos pueblo ta hopi halto cu no lo bay cobra pa recoge sushi.

Nos lo bay cuminza na kita e bbo cu ta un peso pisa kiermeen pa e proximo 4 añanan nos manehonan ta bay ta alivia e gastonan di pueblo y den e proximo 4 añanan sigur mi no ta mira e pueblo cu e posibilidad di paga. Si esaki lo tin cu sosode den futuro nos lo tin cu discuti esey den futuro, pero na e momentonan aki absolutamente cu esey no ta ariba mesa. “

- Advertisement -

DUNA COMENTARIO

Please enter your comment!
Please enter your name here