Home General Booshi Wever ultimo ora a dicidi di no cera shelter awe

Booshi Wever ultimo ora a dicidi di no cera shelter awe

3
3
SHARE
- Advertisement -

Ex-Minister Wever a arepenti di sera shelter pasobra e si no tabata tin plan… Mal maneho di Booshi a prevalece te na su ultimo oranan den Gobierno!
ORANJESTAD (AAN): E comunicado di prensa cu awe ex-minister Booshi Wever a emiti relaciona cu su decision di no cera shelter awe atrobe ta un muestra di e inmadurez di e gobierno di MEP cu durante ocho aña largo a masacra nos pais.
Segun Booshi, AVP no tabata tin un plan prepara y a indica cu despues di dia 31 di October e clientenan di e shelter como e trahadornan lo tabata perdi.
E decision di cera e shelter tabata un promesa cu partido AVP a haci durante campaña y cu na su debido tempo nan lo a implemente.

Diripiente, Booshi y Nel a dicidi di entre otro cera shelter segun Booshi pa motibo di no-cumplimento di promesanan di Mike y AVP, kita BBO djis pa haci manera nan ta esunnan cu lo a rescata e pais aki di e mal maneho cu nan mes a hiba.

Awe cu Booshi Wever a wordo confronta cu diferente situacion manera esun cu e mes ta menciona den su comunicado cu Minister di Husticia a mande un carta despues cu Korpschef a pidi pa tene cuenta cu SITE Conference, caminda door di e ciere di e shelter nos comunidad tabata wordo perhudica como consecuencia di e shelter.

Segun Booshi Wever, awe ex-minister di Salubridad Publico, Medio Ambiente, Asuntonan Administrativo y di Stranhero, e ta dicidi pa no cera e shelter mas pa fin di October, “permitiendo” Formador, awe Prome Minister Eman, ainda produci y ehecuta su plan pa ubica e clientenan bao di un otro dak adecua.

Ya caba, tin un task force cu a ser lanta y cu a laga sa cual ta e plan temporario, pero Booshi a señala den su comunicado cu e ta spera cu den termino corto Formador informa pueblo y comercio di su plannan encuanto e shelter, sea cu ta cera e shelter di berdad, ta mude pa ex-Texas of ta manda pa Dakota.

Atrobe por a mira e mal maneho cu Partido MEP a hiba te den e ultimo oranan di nan Gobierno. Booshi mes a hala atras pa despues pretende pa ningun hende acuse di e ceramento di e shelter.

E si no tabata tin un plan y esey ta loke el a demostra durante su ultimo oranan como minister. Ban wak kico ta sper’e awor den Parlamento, caminda e lo topa cu un team bon prepara cu si ta dispuesto pa traha pa e pais aki.

Esaki ta e copia di e comunicado…..

COMUNICADO DI PRENSA

Ministerio di Salubridad Publico, Medio Ambiente,
Asuntonan Administrativo y di Stranhero

SHELTER “DAK RIBA CABEZ” NO TA SERA FIN DI OCTOBER
PA MOTIBO DI NO-CUMPLIMENTO DI PROMESANAN DI MIKE Y AVP

Manera ta conoci, partido AVP durante aña y despues durante campaña electoral na va-rios ocasion a “priminti” pueblo di Aruba y comerciantenan na Playa di sera e shelter (ex-Hotel Central) na momento cu nan lo a forma un gobierno nobo.

Pa por enfrenta y bringa e consecuencianan di e cierre aki, AVP a declara cu nan lo taba-tin un plan prepara, cual entre otro lo tabata ensera saca e operacion, pues e clientenan, for di centro di Playa, y muda nan por ehempel pa Dakota (Cruz Corra).

Manera tabata e caso cu otro “promesa”, entre otro e BBO na unda AVP a “hura” di aboli esaki riba e prome dia cu nan lo a sinta, pa despues bisa cu esaki lo bay gradualmente, den e caso di e shelter AVP tampoco tabatin ningun plan prepara pa ehecuta na momento cu nan lo a sinta dia 31 di october proximo.

Pa en todo caso garantisa e empleo di e personal di e shelter despues di e cierre, y pa faci-lita AVP den ehecucion di nan promesanan, minister Booshi Wever a tuma e decision pa fin di october sera e shelter su mes, pero na mes un momento a instrui directiva di Depar-tamento di Combatimento di Droga pa ubica e personal na e otro shelternan (Centro Da-kota, Centro Colorado) entrante 31 di october.

Lamentablemente for di e comentarionan insistente entre otro di formador, mester a com-prende cu AVP no tabatin NINGUN plan entorno cierre di e shelter, door di cua e clientenan di e shelter lo tabata perdi despues di fin di october.
Pa colmo alrededor di fin di siman (23/10) Korpschef de Witte a pidi minister di Husticia pa intermedia pa Gobierno, pues minister Wever reconsidera e decision di sera e shelter, esaki entre otro en bista di e seguridad y e ordo publico. Minister di Husticia na su turno y por escrito a pasa e peticion di Korpschef pa minister Wever, poniendo enfasis tambe riba e SITE-conference di dia 30 di october pa 2 di november, cual bao di ningun cir-cumstancia por a wordo permiti di wordo perhudica pa cualkier desorden a consecuencia di e cierre.

Considerando cu – contrario na promesanan y “palabranan di homber” – NO TA EXIS-TI NINGUN PLAN DI CONTINGENCIA pa enfrenta e consecuencianan di e cierre di e shelter (locual de facto tabata pa minister Wever e factor pa dicidi pa sera e shelter), door di cua e clientenan desde 30 di october lo no tabatin un dak riba nan cabez mas, minister Wever a dicidi pa NO sera e shelter mas pa fin di october, permitiendo formador pa ainda produci y ehecuta su plan pa ubica e clientenan bao di un otro dak adecua.
Ta di spera cu den termino corto formador informa pueblo y comercio di su plannan en-cuanto e shelter, sea cu ta sera e shelter di berdad, ta mudé pa ex-Texas Furniture Store, of ta mandé pa Dakota.

Ministerio di Salubridad Publico, Medio Ambiente,
Asuntonan Administrativo y di Stranhero
San Nicolas, 28 october 2009

- Advertisement -

3 COMMENTS

  1. Ningun mata malo por duna bon fruta ni un mata bon por duna mal fruta!!!

    Nelson Orlando Oduber (Nel Oduber MEP Nayostraat Ponton) doño di MEP ta un mente de pollo mentiroso corrupto ku dos lenga sin gevoel. Kiko mas hende por spera di su gang?

    Booshi Wever bisami ku ken bo ta anda mi ta bisabo ken bo ta. Ku Nel Oduber mi ta anda; Nada straño DOMKOP, MENTE de POLLO, DIPLOMA FALSIFICA, DOBBEL LENGA sera Shelter habri Shelter. Lenga di culebra bai skool om.

  2. Si e coruptonan no a cumpli cu nan promesanan ariba papel cu den 100 dia di gobernashon, nan lo baha awa,luz etc ect y no a cumpli ni siquiera den 8 anja,ta con nan kjer exsihi awor pa Mike cumpli promer cu e asumi e puesto di promer ministro. Si e coruptonan manera Rudy Hacintho Croes,Booshi Wever,Nel Oduber no hanja ningun consequencia of castigo pa nan aktonan; lo mi pensa” WEL WEL” Tur e politiconan ta mesun cos.

DUNA COMENTARIO

Please enter your comment!
Please enter your name here