Home Estilo Buki di e bida y trayectoria di Maruja Forero Manrique

Buki di e bida y trayectoria di Maruja Forero Manrique

20
0
SHARE
- Advertisement -

maruja10Como homenahe postumo:
ORANJESTAD (AAN) – “Maruja Forero Manrique, di Colombia pa Aruba pa keda den bo curazon” ta e titulo di e buki cu a worde traha, como parti di e homenahe postumo” cu Coro La Escala y Tertulia Literaria Aruba Nueva, a rindi na Maru y cu a worde entrega na cada persona cu tabata presente den Biblioteca Nacional, diasabra anochi.E buki den poco pagina ta compila un sinopsis di e bida y trayectoria di e gran artista aki, como tambe algun testimonio di amistadnan y personanan ayega na dje.

Tambe e ta contene algun poesia y cancion skirbi pa Maru, y un di nan cu ta aparece den e parti patras di e caft, ta su ultimo cantica dedica na Aruba “Aruba mi tierra natal”.

Por mira tambe un par di poesia cu a worde dedica na Maru unda e tabata e fuente di inspiracion. “Un galeria de recuerdos” ta ocupa e parti meymey di e buki, cu ta consisti di diez potret cu ta testimonio di e trayectoria artistico di Maru y di personanan cu el a yuda forma riba su tereno.

Na final di e buki, combina cu un potret di Maru hoben, tempo cu manera e mes tabata bisa cu un sonrisa e tabata 90-60-90 por lesa e siguiente palabranan cu el a expresa posiblemente yegando na final di su interesante existencia fisico, y cu ta refleha sin duda, su forma di pensa y actua:

“No importa donde se nace ni donde se muere, sino…donde se lucha. Si de algo sirvio mi ejemplo, adelante! Los Amo y lo bendigo. Maruja”

- Advertisement -

DUNA COMENTARIO

Please enter your comment!
Please enter your name here