Home General Buskeda di James Hogan ta sigui Non-Stop

Buskeda di James Hogan ta sigui Non-Stop

0
0
SHARE
- Advertisement -

buskedajamesORANJESTAD (AAN): Keto bay e vice-consul di Merca staciona na Curacao, esta James Hogan ta desapareci. Su desaparicion a haya atencion di prensa Mericano, como tambe di prensa Hulandes. Den fin di siman, prensa na Hulanda a hasta apunta dede riba un supuesto caso di corupcion, y cu esaki lo por tin algo di haber cu e morto di e funcionario oficial aki. Autoridad na Curacao ta haciendo un buskeda intensivo di James Hogan, y e asunto a bira mas misterioso ora cu a keda confirma cu sanger cu a worde haya benta abao riba paña na Caracasbaai, ta pertence na dje.
Prensa Hulandes ta indica, cu tin hopi speculacion cu e desaparicion di James, tin algo di haber cu e organizacion criminal cu a descubri, pa cual a tene razzia pisa na tanto Aruba, Bonaire, Curacao, y Hulanda luna pasa.

E caso ey tin di haber cu labamento miyonario di Dollar, y e.o. traficacion di oro, cu e.o. tabata pasa via di Merca.

Por corda cu na Aruba a tene razzia tambe na algun cas, a confisca varios auto y material di prueba. Na Bonaire a listra cas di e.o. Ramonsito Booi y ex-Diputado Burney Elhage.

E investigacion a tuma un rumbo, unda autoridad aparentemente ta convenci cu James a worde asesina. Su celular a worde haya den laman. Nan ta usando hopi hende pa busca tur caminda, y ta hasta haciendo uso di sonar.

Merca a manda equipo specializa den Search, y esaki lo worde usa den laman. Polis di Curacao mientras tanto a manda e poster aki pa e islanan bisiña tambe, esta Aruba, unda ta solicita informacion di cualkier hende cu por sa algo di James.

- Advertisement -

DUNA COMENTARIO

Please enter your comment!
Please enter your name here