Home Hudicial Casonan penal den Corte Diahuebs

Casonan penal den Corte Diahuebs

2
0
SHARE
- Advertisement -

ORANJESTAD (AAN): Diahuebs un biaha mas diferente caso penal ta bay tuma lugar na corte di husticia.
E prome caso ta un caso den cual S.M.d.L.’I. ta worde acusa di a menaza un persona cu un crimen contra su bida y/of maltrato severo den e periodo di 23 te 26 di October 2007.


Esaki door di pone su dede riba cabez di e persona aki na un forma intencionalmente menazante y bise cu e lo haya un tiro y/of lo haya un sota di e gang di Dakota y/of a mustre e señal di corta su garganta y/of a grite cu e ta su ultimo dia y/of cu e lo cende su cas na candela y/of a grite: “Mi ta mata bo cu mi mes mannan” of palabranan parecido.
Tambe e ta worde acusa di a intencionalmente maltrata e mes persona ey riba 26 di October 2007, door di gare na su cabeynan y/of dal e mas biaha cu mokete riba su brazanan, door di cual e persona a resulta herida y/of a sufri dolor.
W.J.D. tambe tin cu presenta dilanti di huez Diahuebs, door cu e ta worde acusa di a menaza un persona cu un crimen contra su bida y/of maltrato severo riba 2 di Februari 2008.
Esaki door di bisa e persona na un forma intencionalmente menazante: “Si bo yama polis, mi ta coy un bloki benta bo abao y mi ta laga bo mancaron.
Mi ta mata bo y laga bo na pida pida” of palabranan parecido.
Tambe e ta worde acusa di a maltrata e mes persona aki (cu ta su esposa) riba 2 di Februari 2008, door di pushe mas biaha y/o dal na su pecho y/of dal e mas biaha cu mokete den cara, a consecuencia di cual e persona a resulta herida y/of a sufri dolor.
Despues ta bay tuma lugar un caso den cual L.L.E. ta worde acusa di posesion di cocaine y marihuana riba 23 di November 2007.
R.M.R. tambe tin cu presenta dilanti di mesa berde, door cu e ta worde acusa di ladronicia di bentana y balki di un persona den e periodo di 31 di Januari 2009 te 4 di Maart 2009.
Despues ta bay tuma lugar un caso den cual E.E.J.A. ta worde acusa di, conhuntamente cu un otro of otronan, ladronicia di joyas y/of demas pertenencianan for di cas di un persona riba 20 di Maart 2009.
Penultimo caso Diahuebs ta un caso den cual R.K. ta worde acusa di a intencionalmente destrui bloki di motor di auto di un persona riba 18 di Juli 2008
Ultimo caso Diahuebs ta un caso den cual A.O.M.E. ta worde acusa di a menaza un persona cu un crimen contra su bida y/of maltrato pisa riba 27 di April 2007.
Esaki door di na un forma intencionalmente menazante mustra cu su dede riba e persona su cara y/of a bise: “Mi no kier wak bo mas cu L. pasobra sino mi ta mata bo” y/of “Bo tambe ta busca bo morto”. Tambe e ta worde acusa di a intencionalmente maltrata un otro persona riba 27 di April 2007.
Esaki door di dal e persona ey cu su mokete contra su barica y/of cabez, door di cual el a resulta herida y/of haya dolor.
Alavez e ta worde acusa di a intencionalmente destrui beha y/of blusa di e persona aki riba 27 di April 2007.

- Advertisement -

DUNA COMENTARIO

Please enter your comment!
Please enter your name here