Home General Conferencia “Site” 2009 E Fin Di Luna Aki, Organiza Pa Ata Y...

Conferencia “Site” 2009 E Fin Di Luna Aki, Organiza Pa Ata Y Ahata

0
0
SHARE
- Advertisement -

ORANJESTAD (AAN) – Despues di un pause di algun aña, e conferencia “Society of Incentive Travel Executives” (SITE) lo tuma lugar na Aruba atrobe, e fin di luna di October en curso.
Den entrevista cu señora Myrna Jansen, director di Oficina di Turismo Aruba, DIARIO a puntre con ATA y otro partnernan envolvi riba tereno di turismo ta preparando pa SITE-2009.

“ E preparacion ta full time. Nos tin un comision cu ta completamente encarga cu e preparacion di e programa aki di SITE. Esaki ta e di dos biaha cu nos ta bay tine, despues di 1993, pues 16 aña pasa. Nos ta hopi entusiasma cune y tin hopi desaroyo cu a tuma lugar riba e isla di Aruba den tur sentido y e organizadornan mes di e conferencia di SITE ta kere cu Aruba, atrobe, lo bay briya y luci na e manera con e ta bay presenta su mes, y e experiencia cu e ta bay duna e conferencistanan”, señora Jansen a subraya.

Esaki lo sosode hunto cu un comision cu ta consisti di sector publico y priva, conhuntamente cu ATA y AHATA cu ta esnan cu ta bay organiza e evento aki.
Mas un menos 250 pa 300 persona lo ta presente den e conferencia aki di SITE-2009.

“ Mi ta kere cu ta importante pa e bishitantenan ta worde trata bon. Claro cu bo no ta pidi pa e conferencistanan so worde trata bon, pero esey ta algo cu mester biba den e comunidad pa tur hende y tampoco pa turistanan so.

Pa e localnan tambe duna un servicio optimal, pa e Isla por ta limpi y bunita. Esaki ta e forma con e comunidad por contribui na dje”, señora Jansen a expresa.

- Advertisement -

DUNA COMENTARIO

Please enter your comment!
Please enter your name here