Home General Cu Huramentacion door di Gobernador Gabinete Mike Eman-I un hecho

Cu Huramentacion door di Gobernador Gabinete Mike Eman-I un hecho

22
4
SHARE
- Advertisement -

uramentacion1Despues di relato final di formador y aprobacion ministernan pa Staten
ORANJESTAD (AAN): Den presencia di nan partnernan, diabierna atardi, 30 di october a tuma luga den Fort Zoutman e huramentacion di miembronan di Gabinete Mike Eman-I. Un dia prome Gobernador a ricibi e relato final di formador cu recomendacion di candidatonan pa minister. Diabierna mainta Gobernador a ricibi aprobacion di Parlamento pa retiro di e ministernan actual y instalacion di e ministernan nobo. E proceso a sigui diabierna merdia cu e cambio di gobierno, na momento cu Gobernador a firma e decretonan di retiro y instalacion.

Esaki el a haci den presencia di vice prome minister Marisol Lopez-Tromp y futuro prome minister Mike Eman.

Cu huramentacion di e gabinete nobo, ta yega na final di e proceso di formacion. Dia 2 di october ultimo, Gobernador Refunjol a pidi señor Mike Eman pa forma un gabinete cu por conta cu sosten di un mayoria den Staten. Dia 28 di oktober formador hunto cu su relato final, a entrega un recomendacion pa instalacion di ministernan den un gabinete nobo.

Cu esaki formador a informa cu el a yega na e conclusion cu tur candidato ta cumpli cu e exigencianan pa por instala candidatonan pa minister, manera esakinan ta stipula den e Decreto di Conseho di ministronan di dia 9 di september 2009.

Finalmente e siguiente personanan a keda instala como minister den Gabinete Mike Eman-I: señor Michael Godfried Eman, señor Arthur Lawrence Dowers, señor Mike Eric de Meza, señor Otmar Enrique Oduber, señor Oslin Benito Sevinger, señor Richard Wayne Milton Visser, señora Michelle Janice Hooyboer-Winklaar y señor Edwin Bibiano Abath.

A finalisa e ceremonia di huramentacion cu un brindis caminda Gobernador Refunjol a desea e gabinete nobo hopi exito.

- Advertisement -

4 COMMENTS

  1. Dios nos Creador, bendishona Gabinete Mike Eman-I i Pueblo di Aruba ku union entendimento inteligencia i sabiduria pa Ordo, Paz i Prosperidad

    Someté boso na Dios. Resisti diabel i e lo hui di boso. Hala serka dios i E lo hala serka boso. Santiago 4:7-8

    Gabinete Mike Eman-I hopi pabien, Aruba pabien ku e “CAMBIO” !!!

  2. Someté boso na Dios. Resisti diabel i e lo hui di boso. Hala serka Dios i E lo hala serka boso.

    Santiago 4:7-8

    Hopi pabien Aruba, pabien ku e “CAMBIO” Gabinete Mike Eman-I !!!

  3. Unda Nel Oduber, hefe di gobierno MEP 2001-2009 a keda pa e traspaso di Poder???

    Bijbel ta siña den Proverbio 28:1

    E malmado ta hui sin ku ni un hende ta pérsiguié, ma e husto ta wapu manera un leon.

  4. na prome luga mi ta spera di despues di 8 anja tin un cambio paso aruba a bira cu e no ta sirbi mas mi ta spera boso por dreche manera antes bek na prome luga buta pa tur mama hiba nan yu school kier of no kier yuda drecha of hasi algo cu e bida di e choller nan ey cu ta molostia tur caminda traja un tiki cas pe pober nan paso apartment ta pa hende nan rico laga muchanan bisti uniform pa asina no tin problemapaso na aruba hopi mucha no ta bay school esey no ta bon mi tin un primo cu tambe ta riba lista di avp mi ta spera cu etambe por lesa e carta aki paso eta bon muchanan na aruba mester regla cuenta cu mama nan pone tur yu bay school anto pa nan hanja yudansa si no bay school ta coy mama nan nan orea paso ta nan te sun cu mester yuda nan yu mi ta spera e worde publika ami ta di aruba biba na hulanda mi kier bin biba pero manera cos ta ma hanja miedo di bin biba aruba bek

DUNA COMENTARIO

Please enter your comment!
Please enter your name here