Home Politica Director di Salud Publico y Formador a tene un reunion hopi habri...

Director di Salud Publico y Formador a tene un reunion hopi habri y den bon ambiente

1
0
SHARE
- Advertisement -

ORANJESTAD (AAN) – Matutino DIARIO a entrevista dr. Trevor van Gellecum, director di Salubridad Publico, kende a atende e invitacion cu el a ricibi di Formador mr. Mike Eman, y nos redaccion a puntre tocante e resultado di e reunion aki. Van Gellecum a duna di conoce cu e reunion a bay hopi bon, hopi habri. Van Gellecum, hunto cu su coleganan, a repasa locual a sosode durante su funcion como director di Salubridad, y cual nan meta di maneho tabata, kico a logra, cual ta e plannan cu nan ta entrega cada aña hunto cu nan relato anual y presupuesto.
Departamento di Salud Publico ta hopi amplio, ya cu tin varios afdeling cu ta cay bao di dje, y ta activo cada bez cu tin algo cu tin di haber cu salubridad manera e Influenza A1H1, dengue, HIV-AIDS, etc., y nan a splica Formador kico nan ta haciendo na un forma structura y nan ta bezig pa ofrece e servicio mas optimal cu e recursonan financiero limita cu e departamento tin.

El a splica cu tin ley yama “Gezondhuids Verordering” cu ta bisa cu e departamento cu ta encarga cu e desaroyo di salubridad publico, nan ta conseha minister riba e maneho, por ehemplo ora leynan mester worde moderniza, nan ta encarga cu inspeccion riba salud publico, y nan tin uitvoering riba departamentonan manera, entre otro:

GKMB, Departamento di salud hubenil, Malesa Contagioso, Epidemiologia, Higiene Dienst, Departamento Social Psiquiatrico, Departamento Huridico y Inspeccion, Landslaboratorio cu aunke tin un tarea mas independiente ta cay bao di Salud Publico, Inspeccion di Remedi, y tambe e maneho di prevencion.

Formador a indica cu e kier pa Departamento di Salud Publico saca mas di su recursonan cu locual nan ta haciendo, alomenos esey ta loke dr. Van Gellecum a sinti, y e ta kere cu lo mester bolbe sinta pa wak mas kico ta e gobierno nobo su deseo den e maneho y cual direccion lo ta mas deseable, aunke tur hende na Aruba sa cu ta mas importante pa pone mas enfasis riba prevencion, cu mester haya mas atencion riba nos Isla.

Prevencion ta un inversion cu pa añanan despues ta bay haya su efecto, y tur hende sa cu ta necesario pero e ta un tarea cu conhuntamente mester traha cu otro.

Nan tin cu sigui traha riba obesidad, cu ta un problema na Aruba, pa asina logra aumenta e salud di nos comunidad mas y mas.

E ta costa placa y recurso, pero mas tanto e creatividad y e disposicion pa cada hende na Aruba traha hunto, pasobra por hinca hopi placa den un proyecto di prevencion, pero si e comunidad mes no ta percura pa haci algo cune, of no kier scucha conseho no por logra hopi.

Pues, cu tiki placa pero cu e interes di cada un na Aruba, pa traha hunto, por logra hopi mas cu, cu hopi placa pero cu un mentalidad cu mester haya servicio di un departamento.

Tambe den e campaña di vacunacion cu tin actualmente, dr. Van Gellecum a bisa, ta importante pa cada un realiza con importante ta pa bay busca nan vacuna, y no spera cu Salubridad Publico bay na cas di hende pa dune e angua, anto bay back oficina.

El a reitera cu enfasis cu mester traha hunto, pasobra ta hopi dificil pa un departamento so bisa cu esaki ta prevencion y asina ta bay hacie, pero mester traha hunto cu ngo’s y idea ta pa sigui traha mas y mas hunto cu otro.

- Advertisement -

DUNA COMENTARIO

Please enter your comment!
Please enter your name here