Home General Eman: Danki na oposicion di AVP awe edificio no ta un hotel...

Eman: Danki na oposicion di AVP awe edificio no ta un hotel of un shopping mall!

2
0
SHARE
- Advertisement -

avparlamentonob1Intension di bende Bestuurkantoor tabata manera ceramento di un buki cu ta historia y futuro di pais Aruba
ORANJESTAD (AAN): Na Bestuurskantoor tabata tin hisamento di bandera. esaki a tuma lugar dilanti di un cantidad di hende cu a presenta pa mira esaki. Bao di canto di Himno di Aruba e banderanan di Aruba y Hulanda a worde hisa pa e personal di CEA. Despues cu e bandera a worde hisa lider di AVP y futuro Prome Minister Mike Eman a hiba palabra.
Segun Mike Eman pa hopi esaki tabata momento di emocion pasobra hopi aña pasa, na aña 54 e proceso di autonomia a cuminsa eynan te cu a logra Aruba su status aparte.

avparlamentonob2Despues di esey, a agrega, pa hopi aña a sigui e di dos fase di e lucha caminda cu pueblo tabata desea pa parlamento di Aruba bira e organo legislativo mas halto di nos pais y pa e gobierno di Aruba cu e tempo ey tabata ta Bestuurcollege bira e gobierno cu e organo ehecutivo mas halto di nos pais Aruba.

Mike Eman a sigui bisa cu na momento cu e gobernantenan saliente tabata tin intencion di bende e edificio aki, avp a cu a mira e situacion aki como un ceramento di un buki cu ta e historia y futuro di pais Aruba, nan a opone na esaki.

“Danki na e oposicion aki, awe nos por ta para, no dilanti di un hotel of un shopping mall, pero dilanti di e Bestuurkantoor di pais Aruba”, Mike Eman a expresa.

- Advertisement -

DUNA COMENTARIO

Please enter your comment!
Please enter your name here