Home General Formador a pidi autoridadnan di Aeropuerto pa duna aporte…

Formador a pidi autoridadnan di Aeropuerto pa duna aporte…

1
0
SHARE
- Advertisement -

avpmikeemanY mustra interes pa trece klm bek
Mescos cu pa bolbe aumenta vuelonan di American Airlines:
ORANJESTAD (AAN) – Otro instancia crucial pa Aruba, cu ta Aruba Airport Authority (AAA), tambe a haya reunion cu Formador mr. Mike Eman, den cual tabata presente sr. Mario Bikker, director interino, e director y e Presidente di Hunta di Comisario. Tocante e reunion aki, mr. Eman a comenta cu tin dos aspecto cu a worde plantea pa AVP prome cu eleccion, cu ta e regreso di KLM di Aruba y binimento back di diferente vuelo di American Airlines, cu Aruba a perde.


“ Nos a pidi e directiva di Aeropuerto pa duna nos nan punto di bista, tocante e perdida di vuelonan di American Airlines y tambe riba KLM. Pa locual ta trata KLM nan tin e pensamento cu e parti di decision aki ta uno cu nos tin cu atende den e cuadro di Hulanda y Union Europeo. Nos sin duda, conoce e trayecto ey caba y nos lo cane pa por trece KLM back.

“ Nos a pidi tambe autoridadnan di aeropuerto pa unda cu nan por duna e aporte y mustra interes, pasobra no mester lubida cu AAA tin un ‘management contract’ cu Schiphol, y KLM ta forma parti di Reino Hulandes, y -con leu ta KLM di Schiphol?- Akinan mester tin lineanan di contacto cu mester por yuda nos den e proceso di por convence KLM pa bin back Aruba, y mescos ta conta tambe pa American Airlines.

“ Di parti di Aeropuerto nan ta mire un tiki otro, nan ta pensa cu e aerolineanan cu a bin acerca awor, manera Jet Blou ta algo bon pa loke ta trata e desaroyo di aeropuerto y pasaheronan pa Aruba.

Nos ta comparti opinion cu mas aerolinea ta bon, pero si nos ta kere cu partnernan estrategico cu aña aden, aña afo, semper tabata tey pa sirbi Aruba, den nos tratamento cu nan, tog mester mustra nan un tipo di lealtad pa sigura cu bo no ta riesga relacionnan mas duradero pa algun cu por ta pasahero.

“ Mi no ta bisa cu Jet Blou lo ta pasahero, pero nos a mira aerolineanan pasahero, cu nos a duna yen di incentivo cu hopi bez nos no a duna esnan cu tey hopi aña, y esey ta lanta un ambiente di disgusto cerca esnan cu a sirbi riba e lineanan ey hopi aña”, mr. Eman a remarca.

Esey ta motibo cu el a pidi aeropuerto pa tene cuenta cu esey, cu Aruba tin partnernan estrategico di hopi aña, pa cuida e relacionnan ey y no core busca un otro na custia di locual no ta worde ofreci esnan cu a sirbi nos pais pa hopi aña.

“ Esey no ta kita cu nos tin cu ta activo y dinamico pa busca aerolineanan nobo, y sigur nos tin cu ofrece nan incentivonan cu por trece nan akinan, pero nos mester corda cu nos no por ofrece nan hopi mas di loke nos ta ofrece esnan cu a sirbi nos hopi aña”, Formador mr. Mike Eman a reitera.

- Advertisement -

DUNA COMENTARIO

Please enter your comment!
Please enter your name here