Home Economia Formador mr. Mike Eman: Definitivamente, BBO tabata e factor fatal pa...

Formador mr. Mike Eman: Definitivamente, BBO tabata e factor fatal pa e refineria!

0
3
SHARE
- Advertisement -

bboORANJESTAD (AAN)—Den encuentro cu miembronan di prensa, Formador a subraya ayera mainta, cu definitivamente BBO tabata e factor fatal pa e refineria.
Atrobe, durante e presentacionnan cu Valero a haci, por mira cu aña 2006-2007 tabata e aña crucial pa decisionnan importante, y si na e momento ey gobierno lo a yega na un acuerdo cu e refineria cu lo no bin BBO y cu nan lo bay paga un impuesto fiho di 40 pa 50 miyon Florin cu nan a ofrece e momento ey, garantiza, awe lo tabata papiando di 150 miyon den tres aña caba.


“ Nos ta na spera di 200 miyon di BBO si nos gana e caso, pero nos lo a haya 150 miyon caba si lo acepta e deal e tempo ey y cu un refineria cu na e momento ey lo a inverti 1.9 biyon dollar den su ampliacion y renovacion, y sin duda, y esey mi por bisa cu tur seguridad y el a worde confirma door di expertonan di Valero, door di Bill Klessey, y tur hende rond di e refineria, si na 2006-2007 lo a acepta e oferta cu Valero a haci pa kita e BBO y permiti nan pa traha dentro di e margennan fiscal cu nan a sugeri, awe e refineria lo tabata draai y lo nos tabata den e situacion aki.

“ Pesey, awor nos tin cu busca atrobe un escenario cu ta hacie factible, y e escenario ey no ta unicamente mara na condicionnan di Aruba awor, pero e ta mara tambe na e hecho cu door cu gobierno no a acepta e tempo ey e deal cu Valero a propone e refineria a keda e refineria cu nos conoce, cu tin poco opcion den e tipo di produccionnan cu e por realiza, cu ta hacie financieramente viable.

“ Y door di esey nos ta den e situacion cu nos ta aworaki. Tur locual nos por haci nos a hacie. Nos ta creando escenarionan atractivo pa esnan cu ta interesa pa cumpra, nos ta creando escenarionan profesional y reaccionnan rapido pa locual ta e interes di Valero mes, awor cu nan kier pa nos duna nan un contesta riba posibilidadnan”, mr. Mike Eman a indica.

Sin papia pa Valero mes, Formador Eman ta sinti cu nan ta contento cu e contesta rapido y cu e maneho pro activo di esnan cu mester bay carga responsabilidad dentro di poco, y cu ta reacciona riba e nivel cu nan mester pa por asegura cu e buskeda di opcionnan por sigui cana na un manera profesional y un ritmo acelera. Esaki ta duna nan ainda, e oportunidad pa por rescata e situacion.

“ E presentacionnan, apesar cu e animo ta grandi pa busca opcionnan tog bo ta sinti cu e mercado na e momentonan aki ta hopi dificil y pa refinerianan cu tin acceso na crudo e ta mas viable cu pa refinerianan cu no tin e acceso aki na e prijs cu nan mester pa por opera e refineria cu ganashi”, mr. Mike Eman a subraya.

- Advertisement -

3 COMMENTS

  1. Halo Nelson Orlando Oduber, MEP #1 (defunto minister president di Aruba)

    awo cu ainda por “PROBECH y SIÑA” for di mr. Mike Eman, (Aruba su FUTURO Minister President) prome cu bo viaha pa Correctie Instituut Aruba (KIA) y “STOP STOP Y STOP” co bo mala mañanan di Terquedad, Mentiroso, Ladronicia, Nepotismo, Corrupshon y laga cos di Pueblo para!

    Nel mentiroso, Bijbel ta siña den Proverbio 23:23 Kumpra bèrdad, i no bend’é tambe sabiduria, instrukshon i komprendimento.

    Spreuken 23:23 Koop de waarheid, en verkoop ze niet, mitsgaders wijsheid, en tucht, en verstand.

  2. A bira tempo pa companianan tambe paga BBO. Cuanto di nan no hui hora a bira tempo di paga pasobra di tax-free. Ley pa un ley pa tur

  3. ami ta hanja cu ta coi kens cu valero ta hanja nan no mester paga belasting. dikon nan mester kies kuanto plaka nan tey duna? nos no mester wak ku ta 40 pa 50 miyon florin i ku esey ta hopi plaka. paso valero ta gana hopi mas ku esey. Ora ami hanja mi salrio ami no por dicidi kuanto m i tey duna. Dus dikon nan si. ley pa un ley pa tur

DUNA COMENTARIO

Please enter your comment!
Please enter your name here