Home Hudicial Garcia Brothers Welding & General Contractors N.V A Gana Caso Contra Pais...

Garcia Brothers Welding & General Contractors N.V A Gana Caso Contra Pais Aruba (Servicio Di Impuesto)

25
0
SHARE
- Advertisement -

ORANJESTAD (AAN): Diaranzon huez a dune su veredicto den e caso di Andres Garcia Brothers Welding & General Contractor N.V a entama contra Direccion di Impuesto y Aduana/Directie Belastingen, di Aruba.
Ta asina cu door di e hecho cu Garcia no a paga e parti di ‘loonbelasting’ y e otro pagonan social, e compania a haya un debe na Ontvanger di 2.711.422 Florin, sin conta e multa.


Doro di e debe aki, Ontvanger a pone un beslag riba 6 di Mei 2009, riba tur propiedad y pertenencia di Garcia.
Atravez di un carta di 22 di Juli 2009, Ontvanger a notifica Valero Refinery Company N.V, cu e ta obliga pa ley, pa duna belastingdienst e placa cu e tin cu mester bay pa Garcia.

Riba 29 di Juli 2009 Ontvanger y Garcia a yega na un acuerdo cu Valero mester paga 50.000 di e placa di Garcia tur luna na Ontvanger.

Na dado momento Ontvanger a pone beslag tambe riba placa di Garcia na Texaco, WEB y RBTT.
Garcia a cuminza e caso sumario pa ordena Servicio di Impuesto pa kita e beslag-nan y pa e compania di Garcia sigui paga e 50.000 pa luna manera a worde acorda.

Ponencia di Garcia ta cu su compania y Pais Aruba a firma un acuerdo cu no por worde kibra di un banda solamente.
Garcia te cu dia di awe a cumpli por completo cu e acuerdo.

E hecho cu Valero a termina su contrato cu e compania di Garcia, no ta base pa pais Aruba termina su acuerdo cu Garcia.
Esaki ta conta tambe pa e contratonan cu Garcia tin cu Texaco y WEB.

Door di termina e acuerdo, pais Aruba ta cometiendo un mal hecho.
En total 35 empleado di e compania di Garcia cu ta miembro di FTA a uni nan mes cu Garcia den su caso, pasobra pa nan ta importante pa nan por haya nan salario.

Pais Aruba a bay di acuerdo si cu peticion di Garcia pa e por uza su equipo riba cual beslag a worde poni.
Huez Diaranzon den su sentencia a duna Garcia razon.

El a condena pais Aruba pa limita su ponemento di beslag y exigencianan na solamente e 50.000 Florin pa luna of 25.000 pa quincena for di e placa cu Valero tin pa Garcia.

E huez a pone den su sentencia tambe cu Valero despues di duna 50.000 na servicio di impuesto, e demas mester worde duna na Garcia.

Pais Aruba a worde condena pa paga e gastonan di e caso tambe.

- Advertisement -

DUNA COMENTARIO

Please enter your comment!
Please enter your name here