Home Politica Gobierno nobo lo tuma tur paso, pa limita daño di decision iresponsabel...

Gobierno nobo lo tuma tur paso, pa limita daño di decision iresponsabel di Minister Wever

1
1
SHARE
- Advertisement -

Di cera shelter sin plan di contingencia!
ORANJESTAD (AAN): Dialuna despues di un conferencia di prensa, a puntra formador Mike Eman con ta para cu e asunto di ciere di shelter. Segun proximo Prome Minister, Minister Wever a cera shelter sin un plan di contingencia y esey ta un decision hopi iresponsable pasobra na momento cu AVP den oposicion a anuncia caba cu lo bay cera e shelter, logicamente AVP tabata tin un plan di contingencia, pa mira kico ta bay haci pa sigui duna asistencia na esnan cu ta busca asistencia den e edificio aki.
Eman a sigui bisa cu AVP a pidi yudanza di Rode Kruis, pasobra actualmente ta dificil pa duna orden na cierto departamentonan, pasobra en realidad como formador bo tin e autoridad y responsabilidad solamente pa scucha y papia cu gremionan.

Te cu dia 30 di October, esun cu ta responsable y tin autoridad dentro di e margennan di e casonan coriente, ta e gobierno cu ainda ta sinta.

Sinembargo segun formador, e no por djis sinta man cruza y mira un posibel tragedia tuma lugar y pa e motibo ey, dentro di e margennan di autoridad y responsabilidad di e Gobierno nobo, a cuminza sondea kico nan por haci.

Den e shelter tin alrededor di 30 persona cu ta bay eynan y drumi durante oranan di anochi.
Tin 30 adicto cu durante dia ta bay eynan pa busca cuminda, un baño y un momento di trankilidad den e shelter.

Eman a sigui bisa cu en total tin alrededor di 70 hende cu ta bay shelter diariamente y alrededor di 30 cu ta bay eynan pa drumi.

Proximo Prome Minister a trece dilanti tambe cu el a reuni cu director interino di Coordinatie Bureau Drugsbestrijding esta Steve Gibbs y Gobierno nobo a haya informacionnan cu e mester pa tuma e pasonan, pa dia 30 nada pasa cu nos pais y nos comunidad lo arepenti.

Tur paso lo worde tuma pa limita cualkier daño cu e decision iresponsabel di Minister Wever por tin pa e centro di nos ciudad y pa e personanan cu ta busca ayudo den e shelter.

- Advertisement -

1 COMMENT

DUNA COMENTARIO

Please enter your comment!
Please enter your name here