Grandprix di autonan miniatura na Club Caribe
ORANESTAD (AAN)— Club Oansa Aruba ta organisa careda di autonan miniatura entre tur e Clubnan di Aruba, tur e autonan ta ser traha di palo cu yen di creatividad. E competencia ta riba un pista special di aluminium y conecta riba computer pa wak ken ta e ganadornan.Tur mucha na Aruba hunto cu nan mayornan ta invita pa bin wak e competencianan aki den un dushi ambiente. E Grand Prix aki lo tuma lugar diasabra awor 31 di October riba canchanan di Ex Club Caribe unda awor ta, The Good Samaritan Center, e actividad lo cuminza pa 4:30 pm te cu 9:00 pm.
Lo bai tin premionan pa tur e ganadornan den e diferente categorianan. Pa participa lo cobra un tarifa chikito pa kada auto.
Club Oansa ta un organisacion cu ta traha cu mucha, adolesente y hoben riba areanan social, cultural, deportivo y spritual. Rond mundo, Club Oansa ta activo den mas cu 112 Pais y na Aruba e prome Club a cumnisa na 2001 y actualmente tin 8 club den diferente districtonan.
Tur hende ta keda cordialmente invita na e tremendo actividad aki di Granprix. Lo bai tin un bar y cushina bon sorti y otro actividadnan pa entretene nos muchanan.
