Home General Hospital tin hopi aprecio pa docter Vallejo y no tin nada contra...

Hospital tin hopi aprecio pa docter Vallejo y no tin nada contra dje

16
1
SHARE
- Advertisement -

dtrhospitalarnoudSegun Arnoud Boesten,
* Mester traha espacio pa docternan cu ta bay bin traha pa hospital
ORANJESTAD (AAN): Diabierna DIARIO a entrevista Director Medico di Hospital Arnoud Boesten, relaciona cu e discusion di baymento di specialista docter Vallejo. Segun señor Boesten, hospital no kier pa Docter Vallejo bay, pasobra nan tin hopi aprecio pa e docter kende tin alrededor di 30 aña ta traha na hospital.Eynan no tin problema.Tin sinembargo algun otro asunto cu ta hunga un rol.
Un di e asuntonan aki ta e hecho cu hospital tin un deficit cronico di espacio. Hospital a worde construi den comienzo di añanan 70 y e tempo ey casi no a traha espacio pa un ‘polykliniek’.
Tin solamente algun oficina pa atende cu hende.

Boesten a splica cu pesey tin diferente specialista cu tin nan oficina den otro edificionan cerca di hospital. El a splica cu Aruba cada biaha ta hayando mas specialista. Pa otro aña den bon deliberacion cu AZV lo bin Aruba un specialista di pulmon, un internista, un psiquiatra y un neurologo acerca.

Pa esaki hospital tin mester di espacio, pues mas oficina. Mester di espacio pues pa secretarianan y pa e salanan di espera. Esey ta un problema logistico.

Boesten a splica cu ta asina cu e oficina cu Vallejo ta huur di hospital for di hopi tempo caba, no ta mucho adecua.

Mirando cu Dr. Vallejo ta haya hopi pacient, e pasillo di e seccion ey di hospital ta bay ta yena cu hende y no ta bay tin mucho lugar adecua pa nan sinta.

Prome di Januari un yiu di tera Alex Swengle kende ta docter di pulmon ta bin traha na Aruba y hospital ta hopi contento cu esaki y hospital kier pa e por ubica su mes den e parti banda di e otro docter di pulmon.

Pesey entre otro hospital a puntra docter Vallejo si e kier ubica su oficina den un lugar pafo di hospital y hospital ta dispuesto pa yude cu esaki.

Hospital ta papia di esaki cu diferente specialista, pa haya mas espacio. Boesten a bisa cu e mes no a papia cu Vallejo, pero el a compronde cu e specialista mes lo no tin problema cu esaki, pasobra pafo di hospital tin espacio pa esaki.

Director medico di hospital a bisa cu pesey e tabata sorprendi cu e asunto aki a trece consternacion. Boesten a enfatiza cu hospital no tin ningun problema cu Vallejo.

DIARIO a puntra Boesten si hospital a puntra mas specialista pa ubica nan mes pafo di hospital.
Segun Boesten, durante e añanan cu a pasa, casi tur specialista a sali for di hospital. Boesten a splica cu desde e ta na Aruba, Vallejo ta e prome cu a worde pidi pa sali.

- Advertisement -

1 COMMENT

  1. loke mi no ta compronde dicon vallejo tin cu sali pa otro bini e ta mescos si esun cu bini por pone su consultorio pa fo y la ga vallejo pa den pasobra vallejo ta prome cune

DUNA COMENTARIO

Please enter your comment!
Please enter your name here