Home Politica Lo no tin problema legal pa termina contratonan di huur di edificio

Lo no tin problema legal pa termina contratonan di huur di edificio

0
1
SHARE
- Advertisement -

Segun proximo Prome Minister, ORANJESTAD (AAN): Dialuna formador Mike Eman a trece dilanti cu Gobierno nobo a puntra e departamentonan cu ta encarga cu huurmento di edificio pa entrega un raportahe riba e contract-nan cu tin canando. Mester repasa e contract-nan aki ainda, pero e relato cu AVP a haya ta duna indicacion cu hopi di nan tin un ‘opzeggingstermijn’ di 3 luna.
Esaki ta duna espacio pa Gobierno tuma decisionnan pa bay reduci e cantidad di huur, sin consecuencia financiero pa gobierno.
Tin otro contract-nan sinembargo cu tin un espacio blanco bao di e ‘opzeggingstermijn’.
Un ehempel ta ‘Goldmine Real Estate’ unda cu bo no por wak si e tin un opzeggingstermijn of no.

Eman a bisa cu si nan no tin opzeggingstermijn, nan mester worde considera etico y normal un gobierno y un compania cu firma un acuerdo asina, mester ta na altura di e situacion financiero di mundo y di pais Aruba, pues gobierno nobo lo no spera ningun problema legal, ora cu e cuminza baha sistematicamente e cantidad di huur-nan cu Gobierno tin, cu ta un exceso enormemente grandi.

Ta algo hopi penoso ora bo mira e situacion di esnan di menos recurso den nos pais, por ehempel un mama soltero cu dos yiu cu tin cu biba cu 605 Florin, mientras cu Gobierno mester paga miyones di Florin na huur di edificio pa cierto grupo, cu no tabata necesario. Eman a bisa tambe cu gobierno nobo ta bay comproba cu esaki di berdad no tabata necesario.

- Advertisement -

1 COMMENT

  1. Ta pesei mes mester bin un investigashon, pa sa sigur si Nelson Orlando Oduber y kartel MEP ta Corrupto si of no!

    Ya hende ta “STOP” di lanta falso testimonio contra e mentiroso Nel Oduber (MEP) y gang.

DUNA COMENTARIO

Please enter your comment!
Please enter your name here