Home General Marlon Werleman a firma contract como Director di Utilities dia 11 di...

Marlon Werleman a firma contract como Director di Utilities dia 11 di september ultimo

9
7
SHARE
- Advertisement -

marlonwerlemanEx Parlamentario wardando tambe riba opinion di Gobierno nobo encuanto su contract
Nombracion di director a tuma lugar sin cu a busca mas candidatonan!

ORANJESTAD (AAN): Marlon Werleman parlamentario saliente di MEP awor ta resulta cu lo mester bay busca su derecho den corte. Esaki despues cu el a ser nombra den Conseho di Minister como director di Utilities NV y sin cu e director actual mes tabata sa kico tabata spere.
E noticia aki a keda confirma tambe dialuna pero no por a logra Marlon Werleman pa un entrevista.


Den encuentro cu formador Mike Eman a logra papia cu Marlon Werleman na salida y puntre mesora kico ta e situación pa cu su nombracion na Utilities NV.

El a bisa cu e desaroyo aki no ta algo di aworaki. El a cuminza dia 9 di September ora cu Gobierno a tuma un decision como accionista y doño di Utilities NV cu nan a propone pa e bira director interino entrante 1 di November hunto cu e director actual y pa 1 di December como director.

A agrega cu e desaroyo aki a cuminza for di 2006 caba caminda e director e tempo ey a wordo retira y gobierno a busca un director. E tempo ey, según Werleman, el a mustra interes pa e funcion y gobierno a pidie pa mantene su trabao como miembro di Parlamento.

E tempo ey su colega Jacobs a bandona Parlamento y Gobierno a pidie, a bisa, pa e keda Parlamento y cu na su debido tempo lo a combersa bek. Na 2008, e director Sr. De Zwaart, tambe a wordo retira of a tuma su retiro for di Utilities.

E tempo ey gobierno tabata busca un candidato y el a bolbe recorda Gobierno ariba su interes pa e funcion ey y atrobe Gobierno a pidie pa warda.

A señala cu na Augustus ultimo, ora cu el a tuma e decisión cu e no ta sigui den politica y cu e no ta aparece riba lista di MEP mas, Gobierno a yame y a puntre si e tabata tin interes ainda pa e funcion di Director di Utilities NV.

Marlon Werleman a laga sa cu su contesta tabata ta cu si e posición tabata disponible cu e sigur tin interes pa e funcion y for di eynan nan a cuminza cu e proceso pa nombre como director.
A indica cu no ta su tarea pa informa e director actual cu a termina e relacion laboral cune entrante 1 di December.

Gobierno a deja di haci esaki na tempo y lógicamente diabierna ultimo el a keda nombra, y Sr. Henriquez a keda informa di e terminacion di su contrato di trabao.

Banda di esaki a manifesta cu e na su lugar mes lo encamina e caminda legal pa huez determina si esaki ta husto of no.

“Aworaki mi ta den un situación cu mi tin un decisión di Gobierno formalmente dia 9 di September cu mi ta director di Utilities. Dia 11 di September mi a firma un contract di trabao. Awe mi ta sinta cu un contract cu dialuna awor mi mester meld na e departamento aki pa cuminza traha cu e director actual”, a bisa.

Según Werleman, aworaki e ta na spera di e gobierno nobo cu ta bay sinta con nan ta wak henter e desaroyo aki. Si nan ta respeta y honra e contract aki y si esey no ta e caso, e lo tin cu tende y wak kico e ta bay haci, a enfatiza.

Awor e pregunta cu ta surgi ta, pakico Gobierno no a pone un aviso den medionan di comunicación caminda por a busca mas candidatonan pa e posición aki? Pakico no a busca mas hende cu experticio y pone nan tur hunto pa asina scoge esun mas capacita?

Esaki ta un di e dudanan cu ta surgi na e momentonan aki y sigur algo cu e gobierno nobo mester tene cuenta cune na momento di dicidi si ta laga Marlon Werleman como director di Utilties NV of si ta dicidi di pone e posición di director como vacante pa e ora busca mas solicitante y asina scoge esun mas califica.

- Advertisement -

7 COMMENTS

  1. Mester kaba cu e vriendjes poletieknan aki. Den tur ramo mester bin open sollicitatie.Wak si nan sa con pa sollicita,si nan ta cuadra i tin e papelnan mereci.

  2. Nel Oduber (MEP) su wega di Terco Atrobe!!!

    Ta Marlon Werleman (MEP) ta e unico persona cu experticio den henter Aruba pa e puesto aki anto???

    Foei Pueblo di Aruba bo’n tin hendenan kapasita anto???

  3. Marlon Werleman, STOP di jora manera un “MIETJE” i duna “HONOR” na bo mes maske ta e biaha aki so, Marlon abo mihor ku tur hende sa bon bon ken Diablo bo LIDERCITO FRACASA Nelson Orlando Oduber (Nel Oduber MEP) ta> un TERCO, MAL PERDEDO, FALSO, TRAIDOR, MENTIROSO, CORRUPTO, LADRON, VIOLADOR DI DERECHONAN HUMANO i VENGADOR sin ESCRUPOLO.

    Bo bandona MEP pasobra bo no a haña un lugar mas alto, bo a bisa bo ta bai dedica tempo na bo famia y negoshi. Awo ta dicon bo ta jora manera un MIETJE pa un puesto ku bo sa bon bon ku bo no ta DIGNO di dje???

    Marlon Werleman cuanto “LENGA” bo tin anto??? 8 aña den Parlamento bo no a percura pa drecha cos, atabo na joramento 11 di september mi a firma un contract. Marlon hinca e contract di 11 september den pan y come paso awo 30 di oktober 2009 ta otro GAI ta canta!!!

  4. Cacho no ta come cacho. E ta capasita? Sr. Werleman por presenta su curiculum vitae? Mescos cu nan a hasi cu hopi tata di famia na airport, Lotto enz, kitanan di trabao y pone nan mesun yui,famia y friends cu no ta capasita pa e funcion mes. An eye for an eye. hmh, no paga malo cu malo pero..how does that feel…

DUNA COMENTARIO

Please enter your comment!
Please enter your name here