Home General Mike Eman a bishita Santana Protestant algun ora prome cu su huramentacion...

Mike Eman a bishita Santana Protestant algun ora prome cu su huramentacion como Prome Minister

2
1
SHARE
- Advertisement -

santanamikeMi mama cu mi tata ta keda guia mi…
“Algo ta bisa mi cu dia 25 di September nan tabata tey tambe”.
ORANJESTAD (AAN): Algun ora prome di e huramentacion DIARIO a combersa cu Sr. Mike Eman na momentonan cu e tabata acompaña di su casa Doina, den santana protestant caminda su mama y su tata ta dera. Sr. Eman a expresa cu na e momentonan aki cu bo ta yega e punto aki den bo bida cu mester ta hopi conciente cu bo no a yega eynan via bo propio merito y riba propio forza.


“Nos ta un producto di nos Creador na prome lugar y un producto di nos mama y nos tata. Locual mi a siña di mi mama y di mi tata, mi tata a muri, mi tabata tin 5 aña , pero e forma con nos comunidad a responde na momento cu mi tata a fayece. Nos tabata un famia den basta necesidad na e momento ey. Ocho yiu cu un mama”, a bisa.

E tempo ey e carera politico no tabata tin salarionan mucho grandi. Tabata un recompensa pa reunionnan cu su tata tabata atende y no tabata tin e sistema di pension tampoco, a manifesta.
Un famia diripiente ta haye cu ocho yiu, un mama so. Nos comunidad a responde cu hopi calor y hopi solidaridad, Eman a bisa.

E ta corda cu Sr. Zepp Wever tabata un persona cu continuamente su mama tabata mande cerca dje ya cu e tabata duna aporte pa yuda nan famia. Tambe Sr. Harry Bareño di Bright Bakery tur siman tabata manda na cas di su mama un kipashi pan.

Amigonan di su tata tabata hopi solidario. Esey ta cosnan cu ta siña bo cu nos no ta nos so den e mundo aki. Segun e tabata crece su mama tabata siñe tambe di e aporte cu comunidad a duna pa yuda e famia den momentonan dificil, a agrega.

Esaki ta laga un impresion grandi atras pasobra e ta yuda forma bo pensamento cu ora nos ta den e mundo aki nos no ta nos so. Nos ta aki cu nos prohimo y ora cu nos prohimo ta den dificultad bo ta comparti bo schoudernan cune. Ta haci un esfuerzo pa mira con por suaviza e dolor cu cualkier famia por tin, Mike Eman a expresa.

“E formacion aki ta forma un parti esencial di ken mi ta awe y kico mi kier entrega na nos pais. Cuminzando di awe cu un responsabilidad nobo ta momento tambe pa bin bek cerca e personanan cu a inculca esaki di servicio, di comparti, di ta solidario cu otronan, cu tur locual awe ta Mike Eman”, a bisa.

Sra. Mama di Mike Eman a muri na 2006 y su tata na 1967 pero ta manera tur dia nan tey. Nan ta keda guia bo, a declara. “Algo ta bisa mi cu dia 25 di September nan tabata tey tambe”.

- Advertisement -

1 COMMENT

  1. mi ta espera cu e energia y amor de nan ancestronan guia e sabiduría di su Escelencia Mioke Eman pa vira e gran timonel di e pais Aruba aunda e valor di e bien comun sea e tera fertil di progreso y e cura di e cancer di e corrupción .

DUNA COMENTARIO

Please enter your comment!
Please enter your name here