Home Editorial Mike: Pueblo ta exigi un investigacion!

Mike: Pueblo ta exigi un investigacion!

1
14
SHARE
- Advertisement -

jossy_mansur_picMike Eman no ta un imitador di Nel, esey ta sigur, pero tin biaha e ta laga portanan habri pa interpretacionnan di loke tal vez e no tabata kier meen. Un cos ta sigur: bo no por declara durante campaña loke bo no tin intencion di cumple cune den gobierno! Su declaracion confuso, di kier firma y no kier firma cu Hulanda pa investiga tur e corupcionnan cometi pa e delincuentenan di MEP, dependiendo di kico e investigacion ta bay contene, ta sorprendente pa su ambiguedad, y no ta parce producto di un estadista cu tin como guia e diferencia cu ta existi entre bon y malo, y cu un merece recompensa, y e otro castigo!
E investigacion ta un investigacion riba denuncianan cu entre otro, Mike mes y nos na DIARIO a haci cu documentonan solido den nos mannan. Corda kico a pasa cu RED y MPA, ora cu na final nan a nenga di asumi un postura claro, inekivoco.

Nan no tabata tin e curashi di bisa claramente: nos NO ta goberna cu MEP! Y tur dos a perde nan asiento den Parlamento! Mi ta convenci cu Mike no kier bay den e mesun direccion ey, pero kico ta strobe di firma cu Hulanda pa un investigacion cu nos tur a pidi? Mi ta spera cu su filosofia di “traha brug” no ta lantando cabez un biaha mas, pasobra su titubeo por coste e apoyo di hendenan cu ta kere firmemente den su boluntad y decision pa coregi loke tabata malo den e gobierno anterior.

Ademas, e no mester perde for di bista cu MEP a retene un cantidad considerable di voto, o sea casi 20.000, y cu Nel, a pesar di a castiga Pueblo cu medidanan inhusto, a subi cu mas di 1800 voto personal! E skirbimento riba muraya tey, mirando Mike den su cara: e no ta bay trata cu un partido den kiebra, sino cu a conserva su fortaleza. Fuera di Nel, e otronan no ta yorando malai y zapateando manera mucha chikito, sino cu nan ta den pleno labor di reconstruccion y probablemente introduccion di e cambionan necesario den loke su politica por tin di anticua.

Di cu Mike kier mira padilanti y no patras? Nos tur kier esey! Sin embargo, e no ta laga di ta un argumento semi-populista pa hustifica su posible preferencia pa ignora tur cos malo cu a sosode durante 8 aña di e gobernacion di MEP, incluso e persecucionnan inclemente, feroz y brutal contra su mesun ruman, Henny, y Tico, y contra Otmar y otronan, no pa haya nan simplemente culpable di algo cu nan no a comete, sino pa cera nan, hasta a base di acusacionnan falso! Parce cu e ta lubida riba e odio implacable di un enemigo cu no conoce e significacion di e palabranan “paz”, “tolerancia” y “berdad”: Nel!

Su reparticion di e carteranan mes a topa cu hopi critica, pasobra segun opinionnan scucha, cu ta inclui esun di mi tambe, e no a usa su sano huicio pa hacie! Ta con e por a pone DIMAS hunto cu Obranan Publico (DOW)? No ta trata di e capacidad di Benny pa manehe, sino e Ministerio na cual e no ta pertenece pa naturaleza. Ademas, ta con e por a pone Enseñanza hunto cu Ministerio di Husticia? Kico un tin di haber cu e otro? Y pa loke ta mi opinion personal, ta con e por a nombra otro como Ministro di Asuntonan Economico siendo cu e tin un berdadero experto den su seno, Andy Lee? Ta ki trabao e por haci den Parlamento cu e no por supera mil biaha como Ministro di Asuntonan Economico? Y mi no ta bay mishi mes cu e tema di Paul y otronan!

Mi a splica publicamente den mas di un ocasion cu un persona manera mi no ta apoya un partido pa interesnan propio, pasobra mi ta mira politica cu e wowonan di un patologo cu ta studia su historia y su tendencianan pa saca conclusionnan pragmatico. Asina mi a analiza e mentalidad cu durante dos periodo di gobernacion di su partido a nengami e dos permisonan cu mi a pidi via mi abogado, di acuerdo cu Ley, sin cu esey a convertimi den un enemigo di AVP. Al contrario, mi a acompaña Mike y e resto di AVP den e lucha contra corupcion, nepotismo y xenofobia, y nos a triunfa.

Mi a kere henter mi bida cu bon ta supera malo, y cu e velocidad di un mentira no por pone a salvo di e berdad, pasobra esaki semper lo alcanze na caminda. Loke tin mi preocupa ta cu mi a haya e impresion fuerte for di e ultimo declaracion di Mike, cu indirectamente e kier manera iguala bon y malo, tratando di convence nos cu un filosofia cu no ta ahusta su mes na e materia, cu e kier evita e molester di un investigacion exhaustivo na momento cu e ta preparando su mes pa asumi e magistratura maximo di nos isla.

E unico cos cu mi por bise ta cu den e caso aki, su enfoke no ta esun corecto, pasobra nos tur a lucha duro pa e cambio, usando precisamente tur e actonan di corupcion, nepotismo y xenofobia cometi a mansalva contra nos Pueblo como nos cabaynan di bataya.

Kico e miramento padilanti o patras tin di haber cu e abusonan sin precedente cometi cu e propiedadnan di Pueblo, cu e placa di Pueblo, cu e brug pa famia, enfin cu tanto otro desastre, mi no por ni sikiera imagina.

- Advertisement -

14 COMMENTS

  1. Mike Eman no ta un imitador di Nel Oduber “Campaña ta un KOS y Goberna ta otro KOS”.

    Esey ta bon señal, pero Mike no mester a declara durante campaña loke e no tin intencion di cumple cune den gobierno! Su declaracion confuso, di kier firma y no kier firma cu Hulanda pa investiga tur e corupcionnan cometi pa e BANDIDOnan di MEP, dependiendo kico e investigacion ta encera, ta sorprende “ PRINCIPIO-SERIEDAD-CARACTER” y no ta producto di un estadista cu tin como guia e diferencia cu ta existi entre bon y malo, y cu despues di 60 aña ta ricibi recompensa di 12 asiento for di un Pueblo den sufrimientonan maltratonan robonan di su propiedadnan mentiranan nepotismo corrupshon f&f di marca mayor y hopi PORKARIA mas door di un gobierno ku a disfrasa na carnenan. Tanpoco e Pueblo PERHUDICA a VOTA “AVP” pa Mike su wowonan blau. Mike Quo Vadis??? Y no BRUHA bo mes awo cu e hero ta cajente strika paso 2013 atrobe tin ELECSHON. Vota ken ???

    Mr. Mike Eman ku otro PALABRA bo kiermeen ku sr. Oslin Benito Sevinger (Benny Sevinger) nos representante No-2 Lista AVP di Rancho e barrio di e RAIS di “AVP” e Barrio caminda e oficina mayor di “AVP” ta, ta papia koi kens y no sa unda su cara ta para anto Mike???? sr. Oslin Benito Sevinger (Benny Sevinger) “Campaña ta un KOS y Goberna ta otro KOS”, Foei om

    Sr. Oslin Benito Sevinger No-2 Lista AVP a gaña 2053 votadornan cu INVESTIGASHON ta bin ku Hulanda of sin Hulanda. Sinceramente mi ta sintimi desfrauda despues ku mi famia a sufri den man di un gobierno Corrupto ladron Violador di Derechonan Humano, awo mas nan lo sufri di mas mentira Campaña ta un KOS y Goberna ta otro KOS.

  2. Sr.Mike Eman ,saludos.Personalmente Mike, ami tin respet pabo,como lider y como un persona inteligente.Loque mi no por comprende abase di ki motibo bo ta dudando di haci e coruptonan di MEP{ e ladronan di propiedad di pueblo,e personanan cu ariba miseria ,hamber y sufrimiento di e pobernan a haci nan mes y nan famia millonario}responsabel pa nan aktonan sin gevoel.MIKE bo por corda ainda,cuanto famia nan awa y lus tabata wordo corta pa motibo di e delinquentenan aki.Bo sa cuanto mucha a bai drumi sin un pida pan den nan stoma?Of cu mester a bai school sin un pida pan? Bo sa cuanto majornan mester a drenta super mercado y purba of a horta un pida pan of un bleki sardinchi pa duna nan jui algo pa come pa sobra e coruptonan no a laga otro solushon.No MIKE ami no ta kere cu abo MIKE EMAN ta pro ley di trechter:smal pa e pobernan y tur cos pa friends and family,{NEL,RUDY HACINTHO CROES,Marisol etc etc}Mike si ami mag dunabo un conseho,pa bienestar di ARUBA, pa CREBILIDAD den JUSTICIA,laga e envestigashon di Hulanda sigi su curso y esunnan cu wordo proba cu a comete fraude, corupshon ladronisia of regala patrimonio di Aruba,laganan para responsabel pa nan corupshon, meskos cu BUCHI y SHIMARIA a para resposabel pa e bleki sardinchi dilanti recherche.Cu sano juicio prevalece y e coruptonan para responsabel pa nan corupshon????????????????

  3. Lo ta completamente intragable si e gobierno nobo no sostene e investigacion dor di Hulanda y no exigi pa investiga tur e dañonan cu e gobierno di sr. Oduber a hasi na nos Aruba. Ta hopi e corupcionnan cu a ser cometi abiertamente y cu complicidad di e mayoria den parlamento.
    Ta necesario pa inventarisa tur locual a ser hasi den perhuicio di Aruba y su pueblo pa difente motibo importante.
    1.Pa tur hende sa kiko ta bon y kiko ta malo, kiko ta aceptabel y kiko no.
    2.Pa saka e lesnan den beneficio di futuro di nos pueblo. Pa tipo di gobierno malicioso no bolbe na poder.
    3.Pa tur hende sa cu ningun hende ta para riba ley. Cu esnan culpabel na perhuicio di patria mester wordo castiga si haña culpable.
    4.Pa saka consecuencianan legislativo. Pone leynan pa yena vacionan legislativo existente cu ta permiti actonan coruptivo. Por ehempel, den hopi paisnan civilisa nombramentonan di y otro formanan di duna ventaha na famia y amigo den puestonan y otro asuntonan di gobierno ta corupcion.
    Conclusion no por ta otro cu MESTER investiga e gobierno saliente!

  4. Aruba a vota y Aruba a escohe pa un cambio,pueblo di Aruba tin e derecho di exihi un grondig onderzoek tot in de bodem di Hulanda,pa tur loke cu e gobierno anterior a hasi y malgasta,Mr.Mike Eman maak schoon schip en begin met een helder nieuwe schone lei, voor een gezond,welvarend dushi Aruba.

  5. Saludos Jossy M. Mansur:
    Interesante y correcto editorial. Mester bin dilanti un investigacion door di Hulanda cu e sosten y firma di Mike.
    Mike tin cu aproba y sostene e investigacion aki, pasobra door di dje ta worde pondera su situacion den futuro; p’e como gobernante y p’e como politico.
    Di otro banda y cu tur respect pa Mike: pakiko Dimas ta bay cu Benny si Benny ta bay bira Minister di Obranan Publico? No tabata miho e ora pa Benny bira Minister di Husticia? Ta pasobra Benny ta mantene parti di e Teamwork di difunto Watty, ta pesey e ta bay dirigi Dimas?
    Dimas tin di haci cu Husticia, orden publico, mescos cu Polis. Ta con un Minister cu ta encarga di pone asfalt ariba caminda tin cu parti su tempo den bay trata asuntonan cu Hulanda cu tin di haci cu Ley? E no ta kloop, un Minister mester dirigi Departamentonan di gobierno cu un ta pas cu otro y den esaki Dimas no tin nada di haci cu Obranan Publico.
    Si ta un obligacion pa Dowers bira Minister di kiko cu ta e tabata miho p’e dirigi e cartera di Onderwijs y Cultura of den ultimo caso Minister di Salubridad debi cu e tin cierto ervaring obteni tempo e tabata traha na Pas.
    Andy Lee mester a bay den Financie of bira Minister di Financie y Economia hunto (e ta su especialidad) debi cu ambos cartera tin di haci cu placa, capital (inkom y pagamento) di Land Aruba
    Di e demas futuro ministernan mi ta reserva mi comentario. Pero si e ta bay manera e ta pinta awor aki toch mi ta deseanan nan tur tur cos bon.Cordialmente:
    Tilio Reátegui
    Hulanda

  6. Lo ta completamente intragable si e gobierno nobo no sostene e investigacion dor di Hulanda y no exigi pa investiga tur e dañonan cu e gobierno di sr. Oduber a hasi na nos Aruba. Ta hopi e corupcionnan cu a ser cometi abiertamente y cu complicidad di e mayoria den parlamento.
    Ta necesario pa inventarisa tur locual a ser hasi den perhuicio di Aruba y su pueblo pa difente motibo importante, e.o. pa tur hende sa cu ningun hende ta para riba ley. Cu esnan culpabel na perhuicio di patria mester wordo castiga si haña culpable.
    Conclusion no por ta otro cu MESTER investiga e gobierno saliente!

  7. Lo ta completamente intragable si e gobierno nobo no sostene e investigacion dor di Hulanda y no exigi pa investiga tur e dañonan cu e gobierno di sr. Oduber a hasi na nos Aruba. Ta hopi e corupcionnan cu a ser cometi abiertamente y cu complicidad di e mayoria den parlamento.

  8. Lo ta completamente intragable si e gobierno nobo no sostene e investigacion dor di Hulanda y no exigi pa investiga tur e dañonan cu e gobierno di sr. Oduber a hasi na nos Aruba.

  9. Señor Jossy Mansur, ta berdad cu Mike Eman no ta un imitador di Nel Oduber?

    Sí ta asina ta bon mes! Pero Señor Jossy Mansur, Mike Eman su declaracion den Bondia di Saturday, 17 October 2009 ta hopi confuse si. Pasobra mi ta puntra mi mes, dicon anto Mike kier y no kier firma pa Den Haag investiga tur e corupcionnan y ladronicianan cometi pa e gobierno di Nel Oduber y su ladronnan Mepistanan contra di propiedad di Pueblo. Manera e ladronannan di laboratorium un a bai descansa den su graf e Minister a keda liber cu cabaret na Falcon y e senjora inocente di finacia te dia di awe ta den problema. Mike no mester a declara durante campaña loke e no ta bai cumpli cune den su gobierno, paso e ta imitando Nel Oduber su echonan “Campanja ta un cos y goberna ta otro cos”. Esei si ta malo! Semper mi a kere cu Mike Eman lider di AVP tabata mas cauteloso cu su palabranan pesei mi a vota AVP.

  10. Ganjamento ta continua ta unda nos ta bai anto ku tur e politiconan aki cu dos lenga? E payasonan, nan nomber y colo so a cambia e circo mes ta keda drei mescos. Pornada Diario a publica tanto cosnan delicado. Señor Jossy Mansur tambe a hanje den wowo paso Marisol Lopez Tromp a skapa madushi su Brug y su 1.000.000 florin antilaano. Pedrito y ia a bai cera pa un bleki lechi . Hopi plaka mi a gasta cumprando Diario pami lesa tur e berdadnan publika dianan ku Diario tabata lantando un pueblo for di sonjo cu no tabata conoce otro bril sino esun de Palo. Campanja ta un cos y goberna ta otro cos,

  11. Di biaha mester añadi pa investiga den kiko e 280 miyon di e benta di Plant Hotel N.V. a wordu inverti. Mescos ta conta pa e 340 miyon di Lago 1985. Esnan cu sa unda e 340 miyon ta, ainda tin 4 na bida !!!

  12. Danki Dios,

    Investigashon di Hulanda riba bon gobernashon(Nel Oduber MEP) ta bin, asina ta kita tur duda di “Corrupshon” contra Kabinete Oduber (Nel Oduber MEP) ta corrupto of no!!!

  13. Prome Minister di Aruba mr. Mike Eman, (“AVP” 2009-2013), no ta un imitador di Nel Oduber (MEP 2001-2009),
    mr. Mike Eman, ta un homber Serio cu Principio y caracter. Investigashon di Hulanda riba bon gobernashon Kabinet Oduber MEP ta bin, (producto di un estadista cu tin como guia e diferencia cu ta existi entre bon y malo). Awo cu e hero ta cajente,… Strika i 2013 spera 21 asiento i no 12 stoel.

    sr. Oslin Benito Sevinger (Benny Sevinger) No-2 Lista AVP representante di Aruba i Rancho no ta papia koi kens y sa unda su cara ta para ! sr. Oslin Benito Sevinger (Benny Sevinger) no a gaña ningun di su 2053 votadornan. INVESTIGASHON ta bin ku Hulanda of sin Hulanda.

DUNA COMENTARIO

Please enter your comment!
Please enter your name here