Home Politica Ministernan proponi pa Formador a pasa cu exito screening di rigor!

Ministernan proponi pa Formador a pasa cu exito screening di rigor!

1
0
SHARE
- Advertisement -

avpmikeemanContrario na insinuacion di Prome Minister Oduber:
ORANJESTAD (AAN) – Den entrevista cu Formador mr. Mike Eman, DIARIO a puntre su opinion tocante un declaracion di Prome Minister sr. Oduber, ken a cuestiona publicamente e forma con mr. Eman a nombra kendenan lo ta e ministernan di su gabinete. El a bisa cu pa ley esey no por pasobra ainda tur e personanan aki tin cu pasa screening door di seguridad nacional, entre otro. Nos redaccion a puntra Formador con e proceso ta, ya cu mas cu dos siman caba, ya a bira conoci kendenan lo ta e futuro ministernan.
“ Nos a anuncia kendenan nos a scoge dentro di e proceso di nos Partido. Y esey ta naturalmente e proceso di escogencia di e partido, pero ainda falta e proceso di escogencia di Parlamento di Aruba.

“ Den e proceso aki tambe tin e responsabilidad di e Formador, y laga mi bisa cu esaki ta e prome bez cu ta cumpli cu e reglanan di screening, pasobra e gobierno di señor Oduber no kier a ni baha na 2005, y ta bao insistencia e tempo ey di señor Gobernador, cu e ministernan mester a baha despues di eleccion”, mr. Mike Eman a splica.

El a subraya cu e ministernan anterior no kier ni a pasa den ningun tipo di proceso cu Aruba su constitucion ta prescribi, ora cu tin eleccion cu nan ta retira pa despues Staten aproba nan credencialnan pa finalmente, nan por haya aprobacion di Parlamento, pa nan worde nombra.

“ Nos a cana e caminda manera mester ta, y mi tin cu bisa cu mi ta sumamente orguyoso cu e proceso tambe di screening a worde completa y tur e candidato na ministernan ta cumpli cu tur e rekisitonan exigi”, mr. Eman a remarca.

El a reitera cu ta e prome bez cu ta cana e caminda aki, unda cu tur e condicionnan cu mester controla tanto door di Seguridad Nacional, Belasting, Procurador General, a worde haci y Formador a haya tur e corespondencia necesario pa sa cu e ministernan cu ta bay worde propone na Parlamento di Aruba, tur ta personanan cu e cualificacion, integridad y funcionamento debi den nos comunidad cu nan por ta meritorio y por tin e funcionnan aki basa riba nan comportacion y di ta bon ciudadanonan di nos pais.

“ Mi ta puntra mi mes si algun di e ministernan di señor Oduber lo a pasa e screening aki, cu nos siete ministernan a caba di termina durante e ultimo dianan aki”, mr. Mike Eman a señala.

- Advertisement -

DUNA COMENTARIO

Please enter your comment!
Please enter your name here