Home General Ministernan ta huramenta tras di porta sera

Ministernan ta huramenta tras di porta sera

1
4
SHARE
- Advertisement -

Gobernador ta priva prensa di haci su trabou!
Prensa kier pa futuro Prome Minister saca un man….

ORANJESTAD (AAN): Ta reinando un disgusto masha grandi den medionan di comunicacion pa e forma con Kabinet di Gobernador y e agencia di publicidad Stradius kier organiza e ceremonia di huramentacion di diabierna proximo. Specialmente despues cu ayera Stradius a manda un email pa prensa informando cu a keda dicidi cu prensa NO mag ta presente ni durante e huramentacion ni tampoco durante e instalacion di e siguiente Gabinete cu lo goberna e pais aki.


Parse cu algun ambtenaar na kabinete di Gobernador a haya ta bon di dicidi pa prensa con nos kier saca potret of graba e evento historico aki. Probablemente eynan e personal no ta conciente cu tin cambio di gobernacion y e actitud di “nos ta manda” a caba tambe.

Ta compronde cu kizas pa algun hende eynan e evento aki por ta haci poco dolor, pero tampoco por ta asina cu ta priva pueblo di mira su Ministernan durante un momento historico asina.

Gobernador Refunjol mes, cu a keda nombra politicamente pa e partido cu el a sirbi te algun luna prome cu el a huramenta no por ta na fabor di un decision asina.

Parse cu a purba yame di diferente angulo awe pero Kabinet di Gobernador a para riba cu nan no ta cambia di decision.

Ta di spera cu Mike Eman por cay den e asunto aki y convence e representantenan “simbolico” di corona Hulandes cu e derecho di expresion ta sagrado pa e Gobierno nobo.

Cu e gobierno anterior a maltrata prensa, a manda medionan dilanti Huez y a perde casi tur y no a respeta e trabao di prensa, no por bira awor e “modus operandi” pa Gobernador tambe.

Ta ki tanto por tin di sconde pa un simpel huramentacion asina? Na Merca mes Presidente Obama a huramenta dilanti tur hende anto aki na Aruba no por?

E actitud aki di Kabinet di Gobernador hunto cu Stradius ta laga un sabor HOPI amargo atras den media. Y mayoria medionan di comunicacion a expresa nan desapunto pa cu e actitud di ex-politico di MEP y actual Gobernador tambe!

- Advertisement -

4 COMMENTS

  1. Aruba a vota pa “CAMBIO” y “Cambio” mester ta “COMPLETO”
    Ta unda Su excelencia Gobernador sr. Freddy’s Refenjol su Machomen di bisa NO a keda ora cu su ex Partido Politico MEP Nel Oduber y su gang tabata sakia Patrimonio di Pueblo di Aruba ?????

  2. Gobernador F. R. (ex MEP) tambe mester desparece, Aruba merece un Gobernador “SANO” y no uno contamina cu e malesa “Nelcitis” disfras di CARNE SIEGO SORDO MUDO pa CRIMINALIDAD POLITICO” di Partido Politico MEP!!!

    Cambio di Gobernador mester ta completo. Su excelencia Freddy’s koi bo “POTOSHI” nan y laga, kai of abo tambe ta TERCO y no ta comprende 12 stoel ta un dozijn di asiento.

  3. Kier meen cu tur gobierno cu sinta den futuro lo mester juramenta tras di cortina scondi manera cu ta un cartel criminal ta wordu juramenta. Ki estupidez!

DUNA COMENTARIO

Please enter your comment!
Please enter your name here