Home Politica Mr Mike Eman…. Promer Minister di Aruba

Mr Mike Eman…. Promer Minister di Aruba

9
1
SHARE
- Advertisement -

mikeemanavp“Lo tin cambionan hopi rapido na favor di nos pueblo. Nos a enfatiza hopi durante e proceso electoral, cu Aruba mester di un cambio pasobra nos a conoce durante e ultimo añanan 8 aña di gobernacion caminda e prioridad di e gobernantenan tabata dirigi ariba e interes directo di esnan cerca di e gobernantenan.

 

Aruba a sufri hopi na man di e pensamento aki, nos a mira educacion di nos yiunan a cay den un deterioro completo, nos a mira con e poder di compra di nos conciudadanonan a sufri na man di un cantidad di medidanan, inseguridad den nos pais, caida di economia y turismo y awe Aruba a escoge un gobierno pa trece cambio den esaki.

Y e prome cambio lo ta pa percura pa esnan di menos recurso cuminza sinti e diferencia di pensamento di un gobierno cu tey pa nan mes of un gobierno cu tey pa nan pueblo.

Y un di e prome cosnan cu cual nos a duna instruccionnan caba ta na belastingdienst pa cuminza cu eliminacion di bbo pa 1 di Januari 2010 esaki lo bira 1 ½ porciento, nos lo introduci tambe na 2010 caba un ahuste substancial ariba e onderstand di esnan di menos recurso y na mes un momento tambe nos lo bay percura pa den e añanan cu ta bini aki bin cu un sistema caminda cu e prijs di awa y luz ta bira hopi mas controlabel y manehable caminda bo no ta haya situacionnan cu pueblo ta bay sufri.

Hunto cu e reto aki pa drecha e poder di compra nos lo inicia un gran cantidad di inversionnan di parti di gobierno di Aruba caminda e deterioro cu tin rond di Aruba, den centronan di ciudad den nos barionan, e estado di nos schoolnan lo wordo atendi rapidamente.

Hunto cu colega Sr. Benny Sevinger ya nos ta mirando e diferente proyectonan cu nos lo duna e prioridad pa asina Aruba por cuminza mira un transformacion estetico tambe di apariencia di pais Aruba.

Unda cu negligencia a crea deterioro, unda cu falta di atencion a crea abandono y crea situacionnan cu no ta imagen, e calidad di e pais Aruba, lo bay mira cambio rapido. Naturalmente e desaroyo aki na Bestuurskantoor ya ta un indicacion di e cambionan di prioridad di Gobierno aki caminda cu hunto cu nos comunidad ta bay haci uzo responsabel y na un forma maduro di locual e comunidad aki mes tin na su recursonan .

E edificio di DOW ta e siguiente cu nos lo bay cuminza cu restauracion, nos lo traha pa rescata e proyecto di caya grandi, na e momentonan aki tin e proyecto pa locual ta trata infrastructura cu nos ta bay duna prioridad y na mesun momento tambe nos ta bay duna prioridad na cambia e structura caminda ningun hende ta bay bira doño di e restauracion y renobacion di caya grandi pero gobierno mes ta bay asumi su responsabilidad pa asina otro aña caba directamente despues di season e trabaonan grandi di restauracion di centro di ciudad y caya grandi por inicia, hunto cu ne tambe e edificio di corte pa hopi aña ta stagna na e momento aki, ni e pinturanan architectico no a traha ainda, tabata tin anuncio cu e proyecto aki tabata cla, pero ora cu nos a haci analisis di e prioridadnan cu nos ta poniendo a resulta cu e partinan di e archiquitectonan cu mester a wordo ehecuta no a wordo ehecuta ainda, y esey nos lo bay ehecuta rapidamente. Kiermeen un gran cantidad di trabao cu ta bay tin un efecto dobel.

Na un banda bo ta bay haya e efecto cu e aspecto di restauracion ta bay drecha e imagen di e centronan di ciudad, nos tin tambe pa San Nicolas e watertoren cu nos kier restaura den su forma original pero tambe den un forma cu e por cuminsa simboliza e cambio y renobacion cu nos tin programa pa San Nicolas.

Kiermeen cu bo ta bay mira cu Aruba ta bay conoce inversionnan unda antes e placa tabata bay na huurmento di edificio pa amigo y familiarnan, placa pa abogadonan, tur e gastonan aki ta bay wordo corta pa asina nos por kita bbo, inverti den enseñanza, inverti den esnan di menos recurso y inverti tambe den e apariencia general di Aruba.”

- Advertisement -

1 COMMENT

DUNA COMENTARIO

Please enter your comment!
Please enter your name here