Home Hudicial Multa di 575 florin, pa pasa droga na preso

Multa di 575 florin, pa pasa droga na preso

5
0
SHARE
- Advertisement -

gramoscocainaORANJESTAD(AAN): Recientemente Sonia M.V mester a presenta dilanti di huez, debi na e hecho cu el a wordo acusa di posesion di marihuana riba 11 di December 2008.E no a presenta, pero e caso a wordo trata. Huez a trece dilanti cu e muher a wordo gara ta pasa droga pa su pareha cu ta cera den KIA. Rapport di polis ta mustra cu riba 11 di December ora e muher a bay bishita su pareha na KIA, un di e wardadornan di preso a wak cone muher a pasa algo lora den tape pa su pareha.
Ora e muher a wordo gara, e preso a bisa cu ora el a haya e articulo, e tabata sa cu tabata marihuana. E muher sinembargo a nenga.El a bisa cu tabata shag, cu el a saca for di e machine cu ta bende shag na KIA.

El a admiti si cu den pasado el a yega di pasa droga pa su pareha den KIA. E muher a splica cu e tabata tin e droga lora den algo bao di su lenga y ora cu el a sunchi su pareha, el a pase e droga den su boca.

El a bisa polis cu desde e dia ey e no a hasie mas, ni riba 11 di December. Fiscal a trece dilanti cu e preso cu ta pareha di e muher, ta un adicto na droga y cu den pasado e muher a yega di duna un wardador di preso droga pa duna e homber.

E wardador di preso aki algun tempo pasa a wordo haya culpable pa entre otro posesion di droga.
Fiscal a trece dilanti tambe cu e muher a wordo ofreci un multa di 500 florin pa e caso no tin dilanti di huez, pero mirando cu e muher no a paga, e caso a bin dilanti y awor fiscal a exigi pa e muher paga un multa di 575 florin, of sinta 11 dia na KIA. Huez a bay di acuerdo pa duna e muher un multa di 575 florin.

- Advertisement -

DUNA COMENTARIO

Please enter your comment!
Please enter your name here