Home Deporte Na Republica Dominicana Puerto Rico a bira Campeon y Aruba cu dos...

Na Republica Dominicana Puerto Rico a bira Campeon y Aruba cu dos hungador den premionan

1
0
SHARE
- Advertisement -

ptorico2ORANJESTAD (AAN)—Den fin di siman cu a pasa Aruba su hungadornan di billiard tabata na Republica Dominicana, participando na e 2da Copa Caribeña de Bola-9. Un total di 53 hungador a yega na e luhoso Club Naco pa asina bataya pa e premio mayor. Total a reparti ocho premio y Aruba ta sigui demostra su nivel logrando bai cu puesto 4to y 5to. Campeon di e evento a keda Edwin Torro di Puerto Rico cu a gana di e Campeon 2008 Raulito di Republica Dominicana 11-4; tercer lugar a keda Antonio Perez di Puerto Rico kende a gana Ditto Acosta 9-4; Acosta a termina na di cuarto puesto.

Digicel Acosta a gana den buelta di ganador di Javi Perez di Puerto Rico 9-5, pero a cai venci 9-4 pa Richard Quilborres di Puerto Rico.

Den buelta di perdedor Acosta a elimina Ortiz di Puerto Rico 7-2, Dominicano Luis Wallace 7-4, Luis Buttler di Puerto Rico 7-4 y e Dominicano Reyes 9-7 pa bai topa cu Aaron The Baron. E wega aki a bai den un forma di neck neck terminando cu score di 9-8 na favor di D-Gun.

The Baron den buelta di ganador a sali gana di Dominicano Alfara 9-3, siguiente ta tumba David Prins di Corsow 9-2, despues ta basha abao un grandi di Puerto Rico esta Bebo Guzman 9-8 pa bai perde cu Torro 9-5 y despues 9-8 contra Acosta. Tambe na 5-6 lugar a keda otro di Puerto Rico Richard Quilborre y e otro dosnan na di 7-8 lugar ta Bebo Guzman di Puerto Rico y Reyes Republica Dominicana.

Por bisa cu Puerto Rico a domina e evento, pero cu bon prestacion di Aruba y doñonan di cas mes. Curacao y Bonaire no a logra drenta den top-10. Proximo evento pa nos hungadornan lo ta na Panama November 13 pa 17, 2009.

- Advertisement -

DUNA COMENTARIO

Please enter your comment!
Please enter your name here