Home Politica Nel su Gobierno a engaña hende pa haya voto den eleccion

Nel su Gobierno a engaña hende pa haya voto den eleccion

1
0
SHARE
- Advertisement -

Asina mes nan a haya un bon derota
Kier usa DPO y P&O pa manda votadornan cas bek
ORANJESTAD (AAN): Ta importante pa tur esnan cu a haya trabao ultimo luna prome cu eleccion pa traha den gobierno lesa bon kico ta nan status. Nel y su gang a pasa tur e hendenan aki un bon fastball y tin varios cu ya caba a ser manda cas. Sin cu tin fondo of presupuesto pa paga hende a core duna trabao pasobra ta e voto ta bal. Situacion desastroso di pais Aruba e momento ey no tabata conta. Esun cu a haya trabao por conta cu sea nan lo ser manda cas prome cu gobierno huramenta of despues cu e gobierno sinta.

Nel y su gang den cartanan pa hefenan di departamento a djis permiti pa hende cuminsa traha. Den mesun carta ta poni Tenzij Begroting.

Increible con nan por haci algo asina. Cu otro palabra si no tin presupuesto manda e hendenan cas numa.

Nel y su gang sa masha bon cu e aparato gubernamental ta sobre carga y nan sa tambe cu no tin placa pa sigui hinca hende den gobierno. Pesey mes ta un engaño grandi e gabinete Oduber a comete cu e personanan cu nan a duna trabao.

E siman aki e hefenan di departamento lo ta mandando mas y mas hende cas prome cu e gobierno mes bai cas oficialmente.

Nel Oduber ta tirando e problema awor den scochi di DPO y P&O pa nan manda carta pa e hefenan di departamento y haci e trabao sushi. Awor ta Nel mes mester sali dilanti y admiti cu el a faya y pidi disculpa na esnan cu el a engaña.

- Advertisement -

DUNA COMENTARIO

Please enter your comment!
Please enter your name here