Home General Nomber di Ministronan pa Gobierno nobo ta conoci

Nomber di Ministronan pa Gobierno nobo ta conoci

7
9
SHARE
- Advertisement -

mike_eman_ORANJESTAD (AAN): Diabierna atardi, lider di AVP, Mike Eman na su salida for di Oficina di Gobernador, a revela e nomber di esnan cu lo bay ocupa puesto di Ministro den e Gobierno nobo cu lo cuminza traha dia 1 di November venidero.
   El a haci esey, despues di a tene un consulta cu Gobernador y a papia riba e asunto.  Fuera di esey, e dianan venidero, Mike Eman como formador lo bay ta reuni cu diferente gremio pa asina haya sa kico nan deseo ta, pa nan por traha nan programa di Gobierno.
(*) Prome Ministro y Asuntonan General ta bira Mike Eman mes. 
(*) Ministro di Husticia, y Enseñanza ta bira mr. drs. Arthur Dowers
(*) Ministro di Asunto Economico, Social, y Cultura ta Michelle Hooyboer-Winklaar.
(*) Ministro di Infrastructura, Obranan Publico y Medio Ambiente lo bira Benny Sevinger
(*) Ministro di Salubridad y Deporte ta bira Richard Visser
(*) Ministro di Finanzas y Servicionan di Estado ta bira Mike de Meza
(*) Ministro di Turismo y Labor pa e Gobierno nobo ta bira Otmar Oduber.
(*) Ministro Plenipotenciario di Aruba na Hulanda ta bira Edwin Abath
(*) Presidente di Parlamento ta bira mr. Andy Lee
(*) Lider di fraccion di AVP den Staten ta bira Rene Herde.    Primi lesa masMinisterio di Transporte lo bay resorta bao di Mike de Meza y Otmar Oduber conhuntamente.
 Juan David Yrausquin, como tambe Paul Croes lo bay ta Parlamentario pa AVP.  Alex Tromp tambe lo keda como Parlamentario.  Lo tin di menciona ainda nomber di e Director di Aruba Huis, aunke tin rumor ta core cu e lo ta Desiree Croes. 

  No a duna indicacion tampoco, bao cual Ministro, e asunto di DIMAS lo bay resorta.
   Segun Eman, e team ta bay bira uno solido pa proximo 4 aña. 

A escoge e nombernan trempan, pa asina nan por orienta nan mes di awor caba pa asina nan por ta cla pa ora cu e fecha 1 November 2009 yega, nan por cuminza funciona mesora.

   Eman a splica cu na 2005, nan tabatin deseo pa Edwin Abath a bira Ministro Plenipotenciario na Hulanda, y awor na 2009 esey a bira realidad.  Abath tin e cualificacionnan pa haci esey, no obstante cu e no a forma parti den eleccion 2009 pa AVP.

- Advertisement -

9 COMMENTS

  1. UNDA PAUL CROES TA? AMI A VOTA PE BIRA MINISTER!

    (NOTA DI REDACCION: Eleccion 2009 tabata pa eligi Miembro di Staten).

  2. Mi ta di opinion cu sra. Winklaar lo mester bira presidente di parlamento anto meneer Mike de Meza bira e minister di economia. mr. Andy Lee tin e mihor preparashon pa bira minister di finanzas. Asina sigur e team di ministernan lo traha riba un nivel hopi halto pa nos Aruba. No mester cuminsa na pone persona cu no tin e preparashon necesario pa un puesto asina importante cu ta e minister di economia (cu tur respet pa sra. Winklaar). Mi no ta duda den su capacidad pero si den su falta di experiencia den gobierno. Mi ta spera cu at least mr. Mike Eman tuma bon nota di esaki. No haci cu e personanan cu a duna AVP e sosten pa bin cu e cambio cu tanto nos tabata warda pe regret di a haci tal.

  3. Mi ta haya cu Andy Lee ta e guy correcto pa pa e funcion di finanzas! Ta esey ta locual ela profecionalisa su mes pe toch. Sina nada contra Mike de Meza, “duna cezar locual ta di cezar”

  4. Pueblo di Noord a vota pa Paul Croes pa eligie como miembro di staten!! Pero lo nos lo kier a waak e como Minister!! Sigur gezien e aantal votonan cu Paul a haya! En ban ta serio dr Visser minster? Hij heeft aleens het volk in de steek gelaten! Hij is een zwakke schakel in de nieuwe regering, hij is gewoon een verwende jongen! En hij met de batata cayiente AZV…?!?

  5. Sr.Andy Lee ta un persona di berdad bon prepara pa e cartera di fanansa , pero henter e lista ta segun mi parecer for di balans , e combinacion husticia cu educacion no ta sinti ok. Dicon no combina cultura cu educacion??

  6. WEl pabien cu e formation di e gobierno di AVP.
    Nan mester pone otro hende un tiki mas educa cu Otmar Oduber. E no ta merese pa ta un minister. Pone Paul Croes den su lugar cu ta mas y bon sinja.

  7. Mike de Meza i natural tur hende di AVP masha pabien. Mi ta hania cu Mike de Meza ta e peroson pa Minister di finanzas i Economische zaken. Jammer!ku ela hania Finanzas so. Mike de Meza ta 100% geschikt voor deze functie en niemand anders. Jammer Paul Croes dat je minister functie hebt afgewezen dat is nou een leuke uitdaging/ functie.

DUNA COMENTARIO

Please enter your comment!
Please enter your name here