Home General Pa cada liter di gasolin bendi na stacionnan di Valero

Pa cada liter di gasolin bendi na stacionnan di Valero

0
0
SHARE
- Advertisement -

valeroconferenc3 cent ta bay pa Rode Kruis y Wit Gele Kruis’
Valero ta lansa campaña den luna di October
ORANJESTAD (AAN): Comunidad ta algo valioso y cu mester di sosten continuamente. Esaki ta algo cu semper compania Valero a contribui debidamente. Den luna di October Valero Marketing & Supply Aruba N.V. ta inicia su campaña anual na tur stacionnan di Valero riba nos isla. Cuminsando for di 5 di October 2009 te cu 4 di November 2009, pa cada liter di gasolin cu worde bendi, 3 cent ta worde duna na Rode Kruis Aruba y Wit Gele Kruis Aruba.

Na final di e campaña lo parti e fondo recauda unda cada fundacion lo ricibi un suma igual.
‘E campaña di gasolin a inicia na aña 2005 unda cu a cosecha hopi exito.

Aña pasa Valero a logra recauda pa Rode Kruis Aruba e suma substancial di Awg. 141.000,- cu a yuda e fundacion continua cu su trabaonan valioso pa nos comunidad,’ tabata palabra di Sr. Glenn Geerman representante di Valero Marketing & Supply Aruba N.V.

E aña aki a habri man pa Wit Gele Kruis Aruba tambe forma parti di e campaña. Valero di e manera aki ta purba di yuda tur caminda cu ta posibel.

Valero ta hopi contento y orguyoso di por aporta na Rode Kruis y tambe na Wit Gele Kruis y ta spera cu lo haya e respaldo di pueblo pa asina yuda tur dos fundacion grandemente. E campaña ta valido na tur stacionnan di Valero te cu 4 di November 2009.

Sr. Greg Peterson, presidente di Rode Kruis Aruba, ta sumamente contento cu un biaha mas por ricibi sosten for di Valero pa por yuda realiza proyectonan di Rode Kruis cu lo beneficia comunidad.

‘Cu ayudo di tur e clientenan di Valero nos a haya e oportunidad pa mehora hopi bida. Nos ta spera cu e aña aki un biaha mas ricibi ayudo di tur cliente di Valero.’ Sr. Peterson ta añadi. Valero y Rode Kruis ta hopi contento cu Wit Gele Kruis ta uni na e campaña, mirando cu e aña aki Wit Gele Kruis ta celebra 50 aña di aniversario.

Ambos ta kere firmemente cu union ta haci forsa y ta duna Wit Gele Kruis un caluroso bon bini na e campaña.

Tambe presente na e conferencia di prensa tabata Sr. Gino Goeloe, presidente di Wit Gele Kruis. Valero su dedicacion pa Aruba ta yuda un cantidad grandi di famia y organizacionnan, incluyendo Wit Gele Kruis.

‘Wit Gele Kruis ta honra y masha contento di por beneficia conhuntamente cu Rode Kruis for di e campaña di Valero Marketing & Supply.’, tabata palabranan di Sr. Goeloe.

Por ultimo Rode Kruis, Wit Gele Kruis y Valero ta pidi pueblo di Aruba pa uni na e campaña aki di gasolin di Valero y aporta back na e dos fundacionnan aki cu mester di nos sosten. Ban yuda Aruba awe!

- Advertisement -

DUNA COMENTARIO

Please enter your comment!
Please enter your name here