Home Politica Pa loke ta concerni turismo: Otmar Oduber Preocupa Cu Presupuesto 2010...

Pa loke ta concerni turismo: Otmar Oduber Preocupa Cu Presupuesto 2010 No A Worde Ni Prepara Ainda!

3
0
SHARE
- Advertisement -

turismoORANJESTAD (AAN) – Señor Otmar Oduber, ken pronto lo sinta como minister di Turismo, den e gabinete Mike Eman 1, a worde entrevista pa nos redaccion en conexion cu su bishita no oficial na Oficina di Turismo Aruba (ATA).
Oduber a splica cu ayera mainta el a tuma tempo pa haci un bishita na Oficina di Turismo y conversa un rato cu e director señora Myrna Jansen, como cu Turismo ta bay ta e mandatario su cartera principal, naturalmente hunto cu transporte ademas di Labor cu tambe ta bay cay bao di su responsabilidad.

“ Mi ta kere cu e importancia mas cu tur tabata despues cu señor Formador a sinta tambe cu AHATA y na unda a worde expresa, mescos cu awe mainta, e preocupacion cu tin pa futuro, pa mira con ta bay atende cu nan. Mi no a warda te dia 30 cu ta asumi e responsabilidad, pa e ora ey orienta riba e situacion y pesey mi a tuma e pasonan, riba invitacion, naturalmente, di e directora di ATA.

“ Y mi tin cu bisa tambe, cu siman pasa cu mi a conversa telefonicamente cu Minister Briesen y cu nos a palabra tambe cu e dianan nos dilanti lo nos tin un conversacion, pa asina ey e transicion cu ta bay tuma lugar ta na un forma ordena, mirando e importancia di turismo pa cu nos economia y pa cu nos Isla”, señor Oduber a señala.

El a agrega cu ayera mainta el a tuma e orientacion aki pa mira kico ta e posibilidadnan cu tin, sabiendo cu proximamente mester bay trata un presupuesto pa e pais pa aña 2010, cual no a worde prepara ainda, e no ta cla, y por wak cu e tempo ta bay bira cortico riba dje tambe.

“ Pero pa nos mercadeo di nos turismo, esaki ta hopi importante y despues di e orientacion aki lo mi conversa naturalmente, cu señor Formador, y cu mi coleganan cu despues di dia 30 lo asumi nan responsabilidad pa mira con nan por bay carga e resto di e lunanan di e aña aki, y con pa prepara tambe e season nobo cu ta inicia otro aña, locual den turismo mester prepara cu lunanan di anticipacion, y mirando cu ainda e presupuesto no ta cla, no a worde entrega ainda, ni prepara, mi ta kere cu mester pone extra prioridad riba e aspecto aki, pa nos haya nos den un temporada cu ya caba ta dificil, y cu Oficina di Turismo por haya su mes den problema pa loke ta trata presupuesto”, Oduber a señala.

- Advertisement -

DUNA COMENTARIO

Please enter your comment!
Please enter your name here