Archivo di October, 2009
*apesar cu mucha muher a wordo maltrata cu mokete pa su pareha, e ta bek cune y fiscal ta haya cu el a gana pe den corte
ORANJESTAD(AAN): Richard G.C a presenta dilanti di huez Diabierna, door cu el a wordo acusa di a priva un mucha muher di su libertad door di pone cuchio na su garganta y pushe den auto.
El a wordo acusa tambe di a maltrata e mesun persona aki, door di dal e varios mokete den su cara.Ademas di esaki el a menaza e mucha muher cu si e conta polis, e y su famia lo wordo perhudica.Tur esaki a sosode riba 27 pa 28 di April 2009.
Ank Bijleveld a yega beach y subi boto
ORANJESTAD(AAN): — Ank Bijleveld secretario di estado ta na Aruba. Diabierna den dia el a haci su prome bishitanan y a bai na gobernador. Despues di sali for di gobernador Ank Bijleveld a cana direccion di e lugar di baha boto pariba di Wilhelmina Park. Aki tabata tin tres boto wardando riba e secretario di estado. Dos boto di Marina Real y tambe e Super Rhib di kustwacht tabata standby. Ank Bijleveld na yegada a ser ricibi pa miembronan di marina real a subi via e boto di Marina Real pa e Surper Rhib di Kustwacht.
Ex-Minister Wever a arepenti di sera shelter pasobra e si no tabata tin plan… Mal maneho di Booshi a prevalece te na su ultimo oranan den Gobierno!
ORANJESTAD (AAN): E comunicado di prensa cu awe ex-minister Booshi Wever a emiti relaciona cu su decision di no cera shelter awe atrobe ta un muestra di e inmadurez di e gobierno di MEP cu durante ocho aña largo a masacra nos pais.
Taxistanan 100% MEP a haya nan regalo despues di eleccion…
xi
ORANJESTAD (AAN): Mas y mas maniobranan straño ta saliendo ultimamente na cla net den porta di e instalacion di e Gabinete Eman I.
Por mira con ainda Gobierno di Nel Oduber IV a purba di faborece nan siguidornan siendo cu nan tabata bandonando nan posicion den Gobierno di Aruba.
Diahuebs nos aa Canta Happy-Bday Pa E Guy LaidBack Y Suave Gimarc Anthony! kende Ta Cumpli 17 aña So!! (NotSoFast,Gim)E ta Haya Pabien Di Su Mama Sonia, Tata Gio ,Su Tres Ruman Muhenan Fastioso: Valentina, Julitza y Giovanna. Tambe Su Subrino Nan :Kendrick y Junior y Subrina Jul-Marie Su Omo Roy Tambe, Tanchi y Sha ,Su Friends nan John, Francois, Mitchelle, Fredmar, Claudia, Karen, Stephany and the rest 2 much to mention! Spera Bo Enjoy Bo Dia ,We All Love You ,Dushii ..(guess who ?)Haha
ORANJESTAD (AAN): Un patruya di Guardacosta di Aruba y Antiyas a dal narcotrafico duro atrobe, door di confisca 39 kilo di marihuana. E droga a worde haya abordo di un speedboat tipo Go-Fast cerca di St. Maarten.E cutter Poema cu ta staciona na St. Maarten, a detecta Diaranzon anochi un boto sospechoso, cu tabata move di St. Maarten rumbo pa St. Croix. Mesora nan a cuminza cu un persecusion y a ordena e speedboat pa stop.
“Lo tin cambionan hopi rapido na favor di nos pueblo. Nos a enfatiza hopi durante e proceso electoral, cu Aruba mester di un cambio pasobra nos a conoce durante e ultimo añanan 8 aña di gobernacion caminda e prioridad di e gobernantenan tabata dirigi ariba e interes directo di esnan cerca di e gobernantenan.
“ Nos a bay eleccion cu un plan “Aruba Ariba”. Esey ta e base pa e proximo Gobierno. Formador durante di e ultimo dos pa tres simannan tabata tin tur instancia of personanan cu tin di haber cu Aruba caminda tur a duna nan inbreng y cu esaki ta bay pone den un guia cu lo bay hunto cu “Plan Aruba” y for di e dosnan ey lo traha un plan di gobernacion y esey nos ta bay ehecuta den e proximo 4 añanan.
“Un gobernacion transparente, trabao duro, trabao serio caminda ta bay traha den beneficio general y total pa e pueblo di Aruba. Ultimo simanan aki mi por a participa hunto cu Formador cu ta e futuro Prome Minister di Aruba Sr. Mike Eman den diferente di e reunionnan caminda nos haya diferente informacion di e situacion financiero di Aruba pero tambe nos a papia cu e diferente companianan di Gobierno y otro departamentonan tambe y locual ta pasa ora nos bay drenta den Gobierno ta ariba un fase hopi mas detaya, haya mas informacion y na mes momento cuminza prepara pa haci e locual ta necesario pa purba sanea e situacion financiero na Aruba.
ORANJESTAD (AAN)— Windracersclub lo organiza Slalom races na Rodgers Beach den cuadro di Apertura di ASU Olimpiada di Diadomingo 1 di November 2009. Lo bai tin 4 windsurf set pa mucha y lo duna muchanan un les chikito pa conoce e deporte aki, ademas di esey a percura pa un stand chikito na Rodgers Beach. Directiva di Windracers Club a invita tur miembro di nan club pa bin uniforma pa participa na e desfile relaciona cu e aperture di ASU Olimpiada 2009 den Joe Laveist Sport Park y pa pidi un y tur pa ta presente no mas laat cu 8’or di mainta.
ORANJESTAD (AAN)- Ayeramainta a tuma lugar den sala di Parlamento e huramentacion di e 21 Parlamentarionan cu lo bay dirigi Parlamento durante e proximo 4 añanan. Tabata tin un gran cantidad di invitadonan presente pa presencia e ceremonia historico aki caminda tin varios caranan nobo den Parlamento. Pa hopi di e Parlamentario nobo esaki sigur lo ta bay ta un reto ya cu e ta un responsabilidad grandi cu nan ta bay enfrenta cu ne.
“Dos cartera cu tin hopi trabao pa haci. Ta un responsabilidad hopi grandi. Y pami ta un honor hopi grandi.pa haci e trabao akinan. Ta un trabao cu mester haci cu mester hacie na un forma serio y dedica.Enseñanza ta un di e carteranan mas fundamental den cualquier sociedad, pasobra falta di enseñanza tin influencia ariba tur cos cu ta pasa den sociedad. Bo economia ta depende di bo nivel di enseñanza. Bo sistema social ta wordo afecta door di e forma cu bo ta duna enseñanza.
ORANJESTAD (AAN)— Ariba Diadomingo 8 di November lo bai tin e evento spectacular Beach Volleyball Tournament cu lo wordo organiza pa e popular Bugaloe Beach Bar & Grill. Local y turista lo forma teamnan pa participa den e torneo aki yen di diversion y esaki lo bai tuma lugar ariba e beachnan blanco di Palm Beach net dilanti di Bogaloe Beach Bar y De Palm Pier (mey mey di RIU Palace y Radisson Resort). Lo bai tin 3 categoria di equipo: FUN (6 hungador), ADVANCED (4 hungador) y PRO (2 hungador).
“Na promer lugar mi tin hopi pa siña den tur e carteranan. Mi trabao ta bay ta pa scucha hopi di tur nivel, cuminzando cu e director pero tur staff, tur hende. Si bo kier separa nan, mi tin dos categoria: e trabaonan financiero cu nos mester comprende kico ta e begrotingnan , kico ainda te na final di 2009 nos ta compromete, kico nos ta proyecta pa 2010 y unda si tin caminda cu nos por screenmind, pasobra nos tur sa nos ta den un situacion financiero masha dificil pa e aña aki nan y muy probablemente pa otro aña.
