Home Politica Pasonan mester wordo tuma pa haci e Fondo di Pension di Empleadonan...

Pasonan mester wordo tuma pa haci e Fondo di Pension di Empleadonan Publico sano y fuerte

1
0
SHARE
- Advertisement -

Formador Eman:
Proposicion di APFA ta pa introduci sistema di “middel loon” cerca tur ambtenaar!
ORANJESTAD (AAN): APFA tambe a trece cerca Formador Eman diferente punto dilanti y cambionan cu nan lo ta desea. Esaki ta un convenio cu mester wordo logra a base di reunionan cu miembronan, empleadonan publico y APFA. E futuro di e fondo ta na peliger y mester haci esaki mas fuerte y solido na bienestar di e pension di empleadonan publico segun Mike Eman den un entrevista cu DIARIO.
El a manifesta cu e pension di empleadonan publico manera cu e ta aworaki no tin e base financiero solido. E solvencia di e fondo aki tan a peliger caba y esey ta rekeri cu pasonan mester wordo tuma pa hacie mas sano y mas fuerte.

Den caso contrario e ta bay ta un problema cu den futuro e pension di empleadonan publico no por wordo sigura manera tur hende kier, a agrega.

Banda di esaki Mike Eman a sigui bisa cu un di e proposicionan cu tin ariba mesa ta cu durante 2005 a introduce un sistema di pension nobo pa tur ambtenaar cu a drenta den aparato gubernamental.

Despues di 2005, a bisa, e porcentahe cu bo ta haya como pensionado no tam as ariba bo ultimo salario, cu mayoria di bez ta mas cu locual bo a goza na inicio dib o carera. E forma cu e ta wordo calcula pa tur ambtenaar cu a drenta despues di 2005 ta cu ta tuma e porcentahe di e salario promedio, cu ta e average di e salario cu un persona, durante henter su periodo den funcion como ambtenaar.

Eman a indica tambe cu esey naturalmente ta un peso menos ariba e fondo y e lo garantiza cu e fondo aki lo por sigui existi si e bay conta tambe pa e ambtenaarnan cu na e momentonan aki ta den servicio di gobierno.

A declara cu logicamente no por bay cambia e derechonan di pensionadonan cu ya ta cu pension. Eseynan lo sigui haya nan pension manera cu e ta aworaki. E proposicion di APFA ta pa esnan cu a drenta den servicio di gobierno prome cu 2005, pa bay wak si tin e disponibilidad pa introduci e sistema di “middel loon”, a laga sa.

E momento cu ley wordo pasa, pa e resto di pension, e “middel loon” tae sun cu lo bay wordo calcula pa hunto cu e anjanan anterior, prome cu e ley nobo, bo “eind loon” y “middle loon” ta bira bo pension final, segun propuesta di APFA.

APFA ta kere cu esaki ta e scapatorio pa e fondo di pension pero cu naturalmente ta un asunto cu mester bay wordo discuti entre empleadonan publico, gobierno y APFA. For di un dialogo social, a bisa, e resultado positivo lo sali pa cu e fondo di pension.

- Advertisement -

DUNA COMENTARIO

Please enter your comment!
Please enter your name here