Paulina Rubio y Fonseca a deleita nan publico cu nan concierto Diabierna

ORANJESTAD (AAN): Diabierna tabata tin e presentacion di Fonseca y Paulina Rubio den Aruba Entertainment Center. Den e prome anochi di Aruba Music Festival por a ripara cu no tabata tin asina hopi publico compara cu esun di Diasabra cu Earth Wind & Fire. Esnan cu ta gusta e musica di La Chica Dorada, tin di nan cu a keda contento cu su presentacion mientras cu otronan a critica cu su presentacion no a dura hopi y cu el a canta cu playback. E comentarionan tocante e show di Fonseca tabata cu el a duna un bunita show.
Awor AMF ta tras di lomba y mester warda 2010 pa asina presencia mas artista di taya internacional na Aruba. ban keda pendiente pa wak kendenan lo ta e proximonan.