Home General PETRO-CHINA ta dispuesto pa mantene e empleadonan cu tin awor

PETRO-CHINA ta dispuesto pa mantene e empleadonan cu tin awor

3
1
SHARE
- Advertisement -

ptcORANJESTAD(AAN): Diahuebs den un entrevista cu formador Mike Eman despues cu el a reuni cu Petro-China tocante di refineria di Valero, Eman a bisa cu el a trece e scenario dilanti cu ta esun mas importante pa Aruba, pues pa e compania nobo cu tuma e refineria over, tume e trahadornan tambe.

 


Eman kier a haya sa pues cu si Petro-China tuma over e refineria, en todo caso e trahadornan cu tin awor lo keda cu nan trabao of cu si Petro-China cumpre y haci cierto cambionan, no ta asina cu nan ta pone e compania ‘down’, manda tur hende cas y ora nan lante back nan ta busca e empleadonan back.

Eman kier a haya sa un siguranza, cu e empleadonan actual lo worde envolvi den cualkier proceso di operacion.
“Esey ta un di e puntonan mas principal y despues nos ta bay papia riba cuanto impuesto nan ta paga y e otro asuntonan”, segun formador.

El a splica cu afortunadamente Petro-China a duna di conoce cu nan ta dispuesto pa mantene e empleadonan cu tin awor.

Segun Eman, logicamente cosnan lo bay mas den detaye ora nan bin back, caminda lo bay papia riba ki tipo di impuesto e compania lo mester paga.
El a bisa cu mescos cu pa pueblo, e Gobierno nobo lo kita e BBO tambe pa e refineria.

Ta bay scucha un tiki mas die deseonan di e compania y te con leu nan ta dispuesto pa cumpli cu Aruba, segun proximo Prome Minister.

- Advertisement -

1 COMMENT

  1. Eman….. si kita BBO for di petrochina tambe, cu kiko e compania lo coopera cu Aruba? Cu trahadornan ta keda cu trabao…esei ta nan cuenta. Ki beneficio ami lo tin cu tur e cos aki?

DUNA COMENTARIO

Please enter your comment!
Please enter your name here