Home Politica Problemanan serio den Mep

Problemanan serio den Mep

1
2
SHARE
- Advertisement -

ORANJESTAD (AAN): Den e dianan aki nos ta tende Nel Oduber cada rato na radio ta critica e formacion di gobierno na un manera cu a hala hopi atencion.
E reaccionnan en general ta cu e derota di 25 di September a bruha su sistema y cu tin hende rond di dje ta teme pa su salud mental.

Awo cu ta resulta cu den |MEP mes tin problemanan serio creciendo su dificultadnan ta bira ainda mas grandi. Loke ta causando un tension ta e friccion interno den MEP mes.
Den campaña caba tabatin un pleito desagradable entre Nel y Marisol ora Nel a dicidi di para e campaña di Marisol. Tur hende ta corda cu na grandi Marisol a cuminza su campaña miyonario na su containernan na Tanki Leendert sigui pa su actividad den Fermin’s Bar na Noord y diripiente nada mas. Awo e informacion di den MEP ta duna cu ta Nel na un manera bruto a para Marisol di sigui campaña cu tur e placa cu e tin.
Ta awo numa esaki ta sali pakico en berdad Marisol no a campaña mas despues di e dos actividadnan cu e tabatin. E resultado di eleccion pa Marisol ta dramatico. E sla cu e a haya den su caida di voto ta fatal pe.
Pero awo mas informacion ta saliendo for di den seno di MEP y esaki ta cu for di den top di MEP tur e informacion cu e pruebanan di Marisol su corupcion a worde manda pa e medionan di comunicacion. Ainda no ta sigur si tur e documentonan a sali for di Nel mes of di un di e otro ministronan cu kier a para Marisol.
Hecho ta cu Marisol ta razo pa loke a pasa cune y ta culpa solamente su mes partido pa su desaster. Hecho ta cu Marisol ta un di esnan cu mas lo bay sufri di e investigacion Hulandes cu ta na caminda. Su actonan corupto a worde publica cu tur e pruebanan mientras ta conoci cu hopi di e documentonan di e otro ministronan a desaparece y esaki lo haci e investigacion ariba e otro ministronan mas dificil.
Pa loke ta trata tur e pruebanan di Marisol cu a worde manda pa e medionan di comunicacion lo haci e futuro di Marisol masha scur mes. Marisol awo ta sinti su mes traiciona door di Nel Oduber.
E traicion aki a cuminza ora cu Nel a dicidi di pone Ady ariba lista di MEP mientras ta e mesun Ady aki ta esun cu a menaza di baha gobierno si Nel no para e “free for all di Marisol”.
Ora cu Nel a pone Ady ariba lista pa bay Staten Nel a mustra Marisol cu su wega a caba. Desde e momento ey Marisol a worde castiga. E no a worde permiti pa campaña pa su mes mas y awo ta parce cu e lo a worde menaza cu si e campaña usando e miyones cu e a cobra e lo worde denuncia na e autoridadnan . Pesey den campaña Marisol a baha mane. E problema mas grandi ainda cu Marisol tin ta cu e no tin mucho hende su tras den MEP mes.
Ta parce cu e ta para casi su so contra un cantidad grandi di e dirigentenan di MEP y casi nan ta forzando e pa sali for di partido pa purba di minimaliza e daño cu e investigacion ta bay haci MEP. Rudy ya a worde cori pa sigura cu e investigacion di Hulanda pa su partinan den tur e corupcion ta un poco mas leu di partido.
Marisol ta sinti cu e mester bay paga pa tur y no ta di acuerdo cu esaki. Consecuentemente ta di spera cu den MEP mes lo tin basta pleito ainda prome cu e partido por cuminza purba di drecha su imagen. Naturalmente esaki lo keda hopi dificil cu tur e ex ministronan den top di partido cu lo no por trece nada nobo y drechi padilanti.
MEP a haya un derota pa motibo di un maneho maligno cu a castiga pueblo y a enrikece e grupo di friends and family. Hopi biaha nos a trece padilanti cu e ministronan di MEP ta odia otro. Nan ta hunto solamente como “brothers in crime” y esaki ta parce di bay rementa awo cu ta bin un investigacion profundo di banda di Hulanda.
Ta parce cu Nel mes kier sacrifica Marisol y purba di saca su mes for di e circulo di criminal di MEP.

- Advertisement -

2 COMMENTS

  1. marisol, e tempo a jega di sigi move i hasi algo otro.
    E mensaje di pueblo ta cla i raspa.
    Tabo a pompa MEP…

  2. Defunto Prome Minister di Aruba, Nelson Orlando Oduber (Nel Oduber MEP) por weldi grita den radio Riool y bula ariba cai abow, ta 13 asiento a rechase su mal gobernashon. Mucho CORRUPSHON, LADRONISIA MENTIRA y hopi porcaria mas.

    Nel Oduber MEP, prepara Dir. Kadaffi Geerman (KIA) tin boso luga kla caba, e mentiroso Nel Oduber, e borache Rudy Croes y hefe di ladronnan Nilo Swaen ta bai den e mesun cel “Letter A”, Ramon Lee, Eddie Briezen y Booshi Wever ta bai ta hunto tambe den e mesun cel “Letter B”.

DUNA COMENTARIO

Please enter your comment!
Please enter your name here